مەملەكەت باسشىسىنىڭ جارلىعىمەن ءالىم سەرىك ۇلى قيراباەۆ قازاقستان رەسپۋبليكاسىنىڭ پولشا رەسپۋبليكاسىنداعى توتەنشە جانە وكىلەتتى ەلشىسى قىزمەتىنە تاعايىندالدى. بۇل تۋرالى اقوردانىڭ ءباسپاسوز قىزمەتى حابارلادى.
ءالىم سەرىك ۇلى1972 جىلى 16 ساۋىردە الماتى قالاسىندا تۋعان. ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىن ءبىتىردى (1994 ج.), اقش-تا تاعىلىمداما ءوتىپ (1993 ج.), قازاقستان رەسپۋبليكاسىنىڭ پرەزيدەنتى جانىنداعى مەملەكەتتىك باسقارۋ اكادەمياسى ديپلوماتيا ينستيتۋتىنىڭ قازاقستان رەسپۋبليكاسىنىڭ ءسىم قۇرىلىمدىق بولىمشەلەرى باسشىلارىنىڭ بىلىكتىلىگىن ارتتىرۋ كۋرسىنان ءوتتى.
ديپلوماتيالىق قىزمەتىن 1997 جىلى قازاقستان رەسپۋبليكاسىنىڭ ءسىم ەۋروپا ەلدەرى باسقارماسىنىڭ رەفەرەنتى, كەيىننەن كوپجاقتى ىنتىماقتاستىق دەپارتامەنتىنىڭ اتتاشەسى لاۋازىمدارىنان باستادى.
1997-1999 جج. - ءبىرىنشى دەپارتامەنتتىڭ بۇۇ جانە حالىقارالىق ەكونوميكالىق ۇيىمدار باسقارماسىنىڭ ءۇشىنشى حاتشىسى.
1999-2000 جج. - حالىقارالىق ەكونوميكالىق ىنتىماقتاستىق دەپارتامەنتىنىڭ ەكىنشى حاتشىسى. 2000 جىلى قازاقستاننىڭ ەگيپەتتەگى ەلشىلىگىنە ەكىنشى حاتشىسى رەتىندە جۇمىسقا جىبەرىلدى.
2003 جىلى قازاقستانعا ورالعاننان كەيىن ەۋروپا جانە امەريكا دەپارتامەنتىنىڭ, قازاقستان رەسپۋبليكاسىنىڭ ءسىم اپپاراتىنىڭ, حالىقارالىق گۋمانيتارلىق جانە ەكونوميكالىق ىنتىماقتاستىق دەپارتامەنتىنىڭ كەڭەسشىسى قىزمەتىن اتقارادى.
2005-2006 جج. - قازاقستان رەسپۋبليكاسىنىڭ جاپونياداعى ەلشىلىگىنىڭ ءبىرىنشى حاتشىسى.
2006-2007 جج. - اقپاراتتىق-تالداۋ دەپارتامەنتىنىڭ اقپاراتتىق-تالداۋ جۇمىستارى جانە بولجامدىق باعالاۋ باسقارماسىنىڭ ءبولىم باسشىسى.
2007-2010 جج. – امەريكا دەپارتامەنتىنىڭ باسقارما باسشىسى, كەيىننەن ديرەكتورىنىڭ ورىنباسارى. 2010 جىلدان 2019 جىلعا دەيىن قازاقستان رەسپۋبليكاسىنىڭ ءسىم سىرتقى ساياسي تالداۋ جانە بولجامداۋ دەپارتامەنتىنىڭ ديرەكتورىنىڭ ورىنباسارى جانە ديرەكتورى قىزمەتىن اتقاردى.