ناشاقورلىققا جانە ەسىرتكى بيزنەسىنە قارسى ءىس-قيمىلدى ۇيلەستىرۋ جونىندەگى ۆەدومستۆوارالىق شتابتىڭ ءىس-شارالار جوسپارىنا سايكەس وبلىستىق پوليتسيا دەپارتامەنتىنىڭ ەسىرتكى بيزنەسىنە قارسى ءىس-قيمىل باسقارماسىنىڭ قىزمەتكەرلەرى ايماقتاعى ورتا جانە ارناۋلى ورتا, جوعارى وقۋ ورىندارى ستۋدەنتتەرى اراسىندا ۇگىت بريگادالار سايىسىن ۇيىمداستىردى.
بالالار مەن جاسوسپىرىمدەردى ەسىرتكى تاراتۋ مەن تۇتىنۋدان ساقتاندىرىپ, سالاۋاتتى ءومىر سالتىن قالىپتاستىرۋدى كوزدەگەن سايىسقا 46 ۇگىت بريگاداسى قاتىسىپ, ماسەلەنى شاعىن تەاترلاندىرعان قويىلىمدارعا وزەك قىلدى.
قازىلار القاسىنىڭ شەشىمىمەن 16 توپتىڭ ەڭبەگى ەرەكشە اتالىپ ءوتتى.
ال ءبىرىنشى ورىن سىرداريا اۋدانىنداعى №131 ورتا مەكتەپ كومانداسىنا بۇيىردى. ەكىنشى ورىندى وسى اۋدانداعى №126 ورتا مەكتەپ وقۋشىلارى السا, ءۇشىنشى ورىن جۇلدەسى قازالى اۋدانى №70 ورتا مەكتەپ وقۋشىلارىنا تابىس ەتىلدى.