قازاقستان رەسپۋبليكاسىنىڭ ۇكىمەتىنىڭ قاۋلىسىمەن سەرىكقالي امانعالي ۇلى برەكەشەۆ قازاقستان رەسپۋبليكاسىنىڭ ەكولوگيا, گەولوگيا جانە تابيعي رەسۋرستار ۆيتسە-ءمينيسترى لاۋازىمىنا تاعايىندالدى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.
سەرىكقالي برەكەشەۆ 1972 جىلى 14 قازاندا پاۆلودار قالاسىندا دۇنيەگە كەلگەن.
1995 جىلى اتىراۋ پوليتەحنيكالىق ينستيتۋتىن «مۇناي جانە گاز كەن ورىندارىن يگەرۋ» ماماندىعى بويىنشا تامامداعان.
1995-1997 جىلدارى «قازاقستان-رەسەي ساۋدا ءۇيى» بك باس ديرەكتورىنىڭ ورىنباسارى, ەكونوميست بولىپ جۇمىس ىستەگەن.
1997 جىلى اقتاۋ قالاسى بويىنشا سالىق ءبولىمىنىڭ جەدەل ءبولىمىنىڭ ينسپەكتورى قىزمەتىن اتقاردى.
1997-1998 جىلدارى — «ماڭعىستاۋمۇنايگاز» اق «مۇنايگەرمەس» ماتەريالدىق-تەحنيكالىق قامتاماسىز ەتۋ جانە ءونىمدى وتكىزۋ باسقارماسى فيليالىنىڭ قۇبىرلار جانە مەتالل بۇيىمدارى ءبولىمىنىڭ 8-ءشى رازريادتى ينجەنەرى, كولىك, ارنايى تەحنيكا مەن قوسالقى بولشەكتەر ءبولىمىنىڭ ينجەنەرى.
1998-2006 جىلدارى — «قاراقۇدىقمۇناي» جاق پايدالانۋ جونىندەگى ينجەنەرى, كەن ورنىندا مۇناي ءوندىرۋ شەبەرى, كاسىپشىلىك مەنەدجەرى.
2007-2014 جىلدارى ەنەرگەتيكا جانە مينەرالدى رەسۋرستار, مۇناي جانە گاز مينيسترلىكتەرىندە باسشىلىق لاۋازىمداردى اتقاردى.
2015 جىلدان باستاپ «قازترانسگاز» اق قۇرىلىمىندا جۇمىس ىستەدى — تەحنيكالىق ساياسات دەپارتامەنتىنىڭ ديرەكتورى, گتج باسقارۋ جونىندەگى باسقارۋشى ديرەكتور, تەحنيكالىق ساياسات جونىندەگى باسقارۋشى ديرەكتور, وندىرىستىك-تەحنيكالىق دەپارتامەنتتىڭ ديرەكتورى, باس ديرەكتوردىڭ تەحنيكالىق ساياسات جونىندەگى ورىنباسارى.