ەندى CityPass كارتالارى ارقىلى استانانىڭ كورىكتى جەرلەرىنە, مۋزەيلەرى مەن ەكسكۋرسيالارىنا ەركىن كىرىپ قانا قويماي, كارتا ارەكەت ەتەتىن 24-72 ساعات ارالىعىندا قالالىق مارشرۋتتاردا دا تەگىن جۇرۋگە بولادى. (بۇل ەكسپرەسس جانە قالانىڭ شەتكەرى ايماقتارىنا قاتىنايتىن اۆتوبۋستارعا قاتىستى ەمەس). بۇل تۋرالى نۇر-سۇلتان قالاسى اكىمدىگىنىڭ ءباسپاسوز قىزمەتى حابارلادى.
«CityPASS Kazakhstan» جوباسى 2017 جىلى «Astana Convention Bureau» جشس قولداۋىمەن ىسكە قوسىلدى. 2017 جىلدان باستاپ كارتانىڭ قىزمەتىن 280 مىڭنان استام قولدانۋشى پايدالاندى, ال 2018 جىلى جوبا تۋريزم سالاسىنداعى باستى «جىل جوباسى» نوميناتسياسىنا يە بولدى.
ەسكە سالا كەتەيىك, Nur-Sultan CityPass كارتاسىن ساتىپ الا وتىرىپ, تۋريست استانانىڭ مىنا كورىكتى جەرلەرىن ەركىن ارالاي الادى:
✓ بەيبىتشىلىك جانە كەلىسىم سارايى
✓ تاۋەلسىزدىك سارايى
✓ قر ۇلتتىق مۋزەيى
✓ «ماڭگىلىك ەل» سالتانات قاقپاسى
✓ بايتەرەك مونۋمەنتى
✓ وكەاناريۋم
✓ دجۋنگلي پاركى
✓ «Ailand» شولۋ دوڭگەلەگى
✓ نۇر الەم مۋزەيى (EXPO 2017)
✓ اتامەكەن كەشەنى
✓ الجير مۋزەي كەشەنى
✓ HOP-ON-HOP-OFF تۋرى
✓ قەمەمەن ساياحات (جازعى ۋاقىتتا)
باعاسى كارتانىڭ ارەكەت ەتۋ مەرزىمىنە بايلانىستى: 24 ساعات - 5990 تەڭگەدەن باستالادى, 72 ساعات - 8990 تەڭگەدەن باستالادى.
سونىمەن قاتار, Nur-Sultan Pass پاكەتىنىڭ يەسى سىيلىق رەتىندە:
− قالا بويىنشا جولباعدار;
− نۇر-سۇلتان قالاسىنىڭ كارتاسى;
− Beeline سيم-كارتاسى;
− قالانىڭ ءارتۇرلى ءدامحانالارى, بارلارى مەن مەيرامحانالارىندا جەڭىلدىكتەر الادى.
سمارت-كارتانى ساتۋ نۇكتەلەرىنىڭ بىرىنەن نەمەسە www.citypass.kz ۆەب-سايتىنان الۋعا بولادى.
كارتانى پايدالانۋ بويىنشا كەڭەس جانە كومەك الۋ ءۇشىن + 7 (7172) 47-85-65 نومىرىنە قوڭىراۋ شالىڭىز.