تۇركىستان وبلىسىندا جالاقى تولەۋ مەرزىمىنىڭ ساقتالمايتىنىن ايتىپ, ارىزدانۋشىلار كوپ. وبلىستىق ەڭبەك ينسپەكتسياسى بويىنشا باسقارماعا ارىز-شاعىمدارىمەن كەلگەن ازاماتتاردىڭ 36% -ى جالاقى تولەۋ مەرزىمىنىڭ ساقتالماۋى, 25%- ى ەڭبەك شارتىنىڭ بۇزىلۋى,12%-ى ەڭبەك دەمالىسىن ۋاقىتىلى بەرمەۋ جانە 4% - جۇمىس ۋاقىتى نورماسىن بۇزۋ ماسەلەسىن كوتەرگەن. بۇل تۋرالى وڭىرلىك كوممۋنيكاتسيالار قىزمەتىندە وتكەن بريفينگتە باسقارما باسشىسى بەگمان نۇرماحانوۆ مالىمدەدى.
باسقارما وتكەن جىل قورىتىندىسىمەن 11 كاسىپورىن مەن مەكەمەلەردە 1344 جۇمىسشى الدىندا 214,3 ملن تەڭگە جالاقى قارىزدارىن انىقتاعان. جۇرگىزىلگەن جۇمىستاردىڭ ناتيجەسىندە 8 كاسىپورىندا 164 ملن تەڭگە جالاقى قارىزدارى تولەنىپ, 1 313 جۇمىسكەردىڭ ەڭبەك قۇقىقتارى قورعالدى. بۇدان وزگە, باسقارما تاراپىنان 1089 ازاماتتىڭ ارىز-شاعىمدارى قارالىپ, ولاردىڭ بارلىعىنا زاڭمەن بەلگىلەنگەن مەرزىمدە جاۋاپ بەرىلگەن. سونداي-اق وتكەن جىلى مەكەمەلەر مەن كاسىپورىنداردا بارلىعى 397 تەكسەرۋ جۇرگىزىلگەن. ناتيجەسىندە 445 زاڭ بۇزۋشىلىق انىقتالعان. بەگمان جامالبەك ۇلىسونىمەن قاتار, وبلىستا شەتەلدىك 22 ۇيىمدا 7684 ازامات جۇمىس ىستەيتىنىن ايتىپ ءوتتى. ونىڭ ىشىندە قر ازاماتى – 7533, شەتەل ازاماتى – 151. الەۋمەتتىك داۋلارعا جول بەرمەۋ ماقساتىندا شەتەل قاتىسۋىمەن قۇرىلعان كاسىپورىنداردا ەڭبەك قاتىناستارى بويىنشا زاڭ جانە نورماتيۆتىك اكتىلەردىڭ ساقتالۋى مەن ورىندالۋى باسقارمانىڭ تۇراقتى باقىلاۋىندا.