تابىسى از وتباسىلار الەۋمەتتىك كومەك الدى

ولاردىڭ قاتارىندا اقمولا, اقتوبە, اتىراۋ, قاراعاندى, قوستاناي, قىزىلوردا, ماڭعىستاۋ, شىعىس قازاقستان, باتىس قازاقستان وبلىستارى, الماتى جانە پاۆلودار قالالارى بار.

الۋشىلاردىڭ جالپى سانى 9,6 مىڭ وتباسىنداعى 17,6 مىڭ بالانى قۇرادى. جالپى اتاۋلى الەۋمەتتىك كومەك (بۇدان ءارى – ااك) الاتىن تابىسى از وتباسىلارداعى 1 جاستان 6 جاسقا دەيىنگى 64 مىڭ بالانى قامتۋ جوسپارلانۋدا.

قاراعاندى ​​وبلىسىنىڭ تۇرعىنى, 4 بالانىڭ اناسى مادينا ايناشەۆانىڭ ايتۋىنشا, اتاۋلى الەۋمەتتىك كومەككە قوسىمشا الەۋمەتتىك توپتاما ۇسىنۋ مەملەكەت تاراپىنان ايتارلىقتاي قولداۋ بولىپ تابىلادى.

«مەن قازىر ۇيدەمىن, سوندىقتان كەپىلدىك بەرىلگەن الەۋمەتتىك توپتاما تۇرىندەگى الەۋمەتتىك قولداۋ – ەلەۋلى كومەك. ازىق-ت ۇلىك جيىنتىقتارىنا وتە ريزامىن, وتە جاقسى ىرىكتەلگەن, دارۋمەنگە باي. الەۋمەتتىك توپتامادا ءتۇرلى ونىمدەر كوپ, بۇل قۋانتادى. بالالاردىڭ سۇرانىسىن ورىنداۋعا ءبارىنىڭ بىردەي مۇمكىندىگى بولا بەرمەيدى, ال جيىنتىقتاردا بال, پەچەنە, تاڭعى اس بار. وتباسىندا كۇيەۋىم عانا جۇمىس ىستەيدى, جالاقىسى از. ۇلكەن بالالار جازعى دەمالىستا بولعان كەزدە مەن جۇمىسپەن قامتۋ ورتالىعى ارقىلى كۋرەر بولىپ جۇمىس ىستەدىم. ەندى مەن جۇمىس ىستەي المايمىن, ويتكەنى كەنجە قىزىم 3 جاستا. جاقىندا ءبىز ونى بالاباقشاعا بەرۋدى جوسپارلاپ وتىرمىز, سوندا جۇمىسقا تۇرۋعا بولادى. قازىر كوپبالالى وتباسى رەتىندە تۇرعىن ءۇي كەزەگىندە تۇرامىز», – دەدى ءمادينا ايناشەۆا.

ەستەرىڭىزگە سالا كەتەيىك, مەملەكەت باسشىسى قازاقستان حالقىنا جولداۋىندا ااك تاعايىنداۋ تەتىگىن ونىڭ اشىقتىعىن, ادىلدىگىن جانە ەڭبەككە دەگەن ىنتاسىن قامتاماسىز ەتۋ ماقساتىندا تۇزەتۋگە تاپسىرما بەرگەن بولاتىن. مەملەكەتتىك كومەكتىڭ جاڭا شارالارى 2020 جىلعى 1 قاڭتاردان باستاپ كەشەندى تۇردە جۇزەگە اسىرىلادى جانە وعان: كوپبالالى وتباسىلارعا ارنالعان جاڭا مەملەكەتتىك جاردەماقى, اتاۋلى الەۋمەتتىك كومەك, تابىسى از وتباسىلارداعى بالالارعا ارنالعان كەپىلدىك بەرىلگەن الەۋمەتتىك توپتاما كىرەدى.

1 جاستان 6 جاسقا دەيىنگى بالالارعا ارنالعان كبات ازىق-ت ۇلىك جيىنتىعىن جانە تۇرمىستىق حيميا تاۋارلارىنىڭ جيىنتىعىن قامتيدى. 6 جاستان 18 جاسقا دەيىنگى بالالار ءۇشىن مەكتەپتەردە ىستىق تاماق, وقۋ قۇرالدارى مەن مەكتەپ كيىمدەرىن بەرۋ كوزدەلەدى. سونداي-اق, وسى ساناتتاعى بالالار ءۇشىن مەكتەپكە دەيىنگى جول ءجۇرۋ شىعىندارىن وتەيتىن بولادى.

ازىق-ت ۇلىك جيىنتىعى بالالاردىڭ جاس ساناتىنا بايلانىستى ءوز قۇرامى بويىنشا ەرەكشەلەنەدى: 1 جاستان 3 جاسقا دەيىن جانە 3 جاستان 6 جاسقا دەيىن, بىراق الەۋمەتتىك توپتامانىڭ قۇرامى وڭىرگە قاراماستان بىردەي. جيىن قۇرامى فيزيولوگيالىق ەرەكشەلىكتەردى, ازىق-ت ۇلىكتىڭ تاعامدىق جانە ەنەرگەتيكالىق قۇندىلىعىنىڭ اراقاتىناسىن جانە جاسىنا سايكەس ولاردى پايدالانۋ نورمالارىن ەسكەرە وتىرىپ, دەنساۋلىق ساقتاۋ مينيسترلىگىنىڭ ۇسىنىمدارى نەگىزىندە قۇرىلعان. ونىمدەر دارۋمەنگە باي, بۇل ءوسىپ كەلە جاتقان ورگانيزمدەگى دارۋمەندەردىڭ جەتىسپەۋشىلىگىن وتەۋگە مۇمكىندىك بەرەدى.

1-دەن 3 جاسقا دەيىنگى بالالارعا ارنالعان جيىنتىق ءسۇت, پەچەنە, بوتقا, ۇلپەك جانە بالالار پيۋرەسى. 3 جاستان 6 جاسقا دەيىنگى بالالارعا ارنالعان ازىق-ت ۇلىك جيىنتىعى سۇتتەن, ماكاروننان, س ۇلى ۇلپەكتەرىنەن, كۇنباعىس مايىنان, گەماتوگەننەن, تاڭعى اسقا ارنالعان ءسۇت جاستىقتارىنان, بالالار پەچەنەسىنەن, ارپا, قاراقۇمىق جارماسىنان, بۇرشاق پەن بالدان تۇرادى.

1 جاستان 6 جاسقا دەيىنگى بالالارعا ارنالعان تۇرمىستىق حيميا تاۋارلارىنىڭ جيىنتىعىنا ءتىس پاستاسى, ششەتكا, كرەم-سابىن, سابىن, سۋسابىن, ۇنتاق جانە كرەم كىرەدى. تابىسى از وتباسىنىڭ ءاربىر بالاسىنا وسى جيىنتىق توقسان سايىن بەرىلەتىن بولادى.