ەلورداداعى University Medical centre ورتالىعىندا «دالەلدى كارديولوگيا 2020» VII رەسپۋبليكالىق كونفەرەنتسياسى ءوتتى. ءىس-شاراعا «قازاقستان كارديولوگيا قوعامى» رەسپۋبليكالىق قوعامدىق بىرلەستىگى ۇيىتقى بولىپ, SANTO كومپانياسى كونفەرەنتسيا سەرىكتەسى رەتىندە قولداۋ كورسەتتى.
كونفەرەنتسياعا ەلوردا مەن ايماقتارداعى جەتەكشى كلينيكالاردىڭ كارديولوگتارى, ەندوكرينولوگتار مەن تەراپەۆتەر, مەديتسينا قاۋىمداستىعىنىڭ باسقا دا وكىلدەرى قاتىستى. SANTO كومپانياسى م.ع.ك., كارديولوگ-دارىگەر, رەسەي حالىقتار دوستاستىعى ۋنيۆەرسيتەتى كلينيكالىق-دياگنوستيكا ورتالىعى امبۋلاتوريالىق-ەمحانالىق ورتالىعىنىڭ ديرەكتورى اننا كليمەنكونىڭ عىلىمي فورۋمعا كەلۋىن جانە قاتىسۋىن ۇيىمداستىردى. كونفەرەنتسيانىڭ باس تاقىرىبى شۇعىل كارديولوگيا ماسەلەلەرى مەن جۇرەك-قانتامىر اۋرۋلارىن ەمدەۋدىڭ زاماناۋي الگوريتمدەرىنە ارنالدى.
جۇرەك-قانتامىر اۋرۋلارى بۇكىل الەم بويىنشا ءولىم-ءجىتىم سەبەپتەرى ىشىندە كوشباسشى ورىندا تۇر. ددسۇ مالىمەتتەرى بويىنشا عالامشارىمىزداعى التى تۇرعىننىڭ بىرەۋى ينسۋلتقا شالدىقسا, جۇرەك-قانتامىر اۋرۋلارىنان جىل سايىن 17,5 ميلليونعا تارتا ادام كوز جۇمادى. قازاقستانداعى جالپى ءولىم-ءجىتىم قۇرىلىمىندا جۇرەك-قانتامىر اۋرۋلارىنىڭ ۇلەسى 50%-دان اسادى. شىندىعىنا كەلگەندە, جۇرەك-قانتامىر اۋرۋلارىنا ەلىمىزدەگى ەكونوميكالىق بەلسەندى حالىقتىڭ شامامەن 12%-ى شالدىققان.
كونفەرەنتسيانىڭ ءبىرىنشى سيمپوزيۋمىن مەديتسينا عىلىمىنىڭ دوكتورى, اسسوتسياتسيالانعان پروفەسسور, «قازاقستان كارديولوگيا قوعامى» رقب ءتورايىمى, «ۇلتتىق عىلىمي مەديتسينا ورتالىعى» اق باس عىلىمي قىزمەتكەرى ساۋلە ابسەيىتوۆا «ميوكارد ينفاركتىسى 2020» بايانداماسىمەن اشتى.
ساۋلە ابسەيىتوۆا بايانداماسىندا الاڭداۋشىلىق تۋدىراتىن فاكتورلاردى اتاپ ءوتتى: ميوكارد ينفاركتىسى ەڭبەككە جارامدى جاس ازاماتتاردا ءجيى بايقالىپ وتىر. كارديولوگيالىق اۋرۋلارعا شالدىققان ناۋقاستاردى ءتيىمدى تۇردە ەمدەۋ ءۇشىن جوعارى مامانداندىرىلعان كومەك كورسەتۋدىڭ الگوريتمىن ساقتاپ, شۇعىل كومەك كورسەتۋ قانشالىقتى ماڭىزدى ەكەندىگى جايلى اڭگىمە قوزعالدى. سونىمەن قاتار, كارديوگەندىك شوك جانە وتكىر كورونارلىق سيندرومعا شالدىققان ناۋقاستارعا ارناپ انتيترومبوزدىق تەراپيانى تاڭداۋ ماسەلەلەرى كوتەرىلدى. سپيكەرلەر ەۋروپا كارديولوگيا قوعامىنىڭ جاڭا كلينيكالىق ۇسىنىمدارىمەن, اتاپ ايتقاندا, سۋپراۆەنتريكۋليارلىق تاحيكاردياسى بار, ليپيدتىك اينالىمى بۇزىلعان ناۋقاستارعا ەم جۇرگىزۋدىڭ الگوريتمدەرىمەن تانىستىردى.
«كوموربيدتىك كۇيلەردىڭ وزەكتى تۇستارى» اتتى سيمپوزيۋمدا جۇرەكشە فيبريللياتسياسى بار ناۋقاستارعا ەم جۇرگىزۋدىڭ ەرەكشەلىكتەرى جايلى باياندامامەن مەديتسينا عىلىمىنىڭ دوكتورى, پروفەسسور گۇلنار جۇنىسبەكوۆا شىقتى.
سونداي-اق قاتىسۋشىلار تۇقىم قۋالايتىن گيپەرتروفيالىق كارديوميوپاتيانى دياگنوستيكالاۋعا ارنالعان زاماناۋي تاسىلدەمەلەردى ورتاعا سالدى. وزەكتى تاقىرىپ «ديابەت جانە جۇرەك» اتتى ساراپتامالىق فورۋمدا قاراستىرىلدى. تولىققاندى ءومىر سۇرۋگە كەدەرگى كەلتىرەتىن پوليموربيدتىلىك جانە دە ءبىر ساتتە بەستەن اسا دارىلىك زاتتاردى ناۋقاسقا تاعايىنداۋ ناتيجەسىندە تەراپيانى مۇقيات ۇستانۋعا كەدەرگى جاسايتىن پوليپراگمازيا ماسەلەلەرى قانت سۋسامىرىنىڭ 2 تۇرىنە شالدىققان ناۋقاستارداعى باستى ماسەلەلەردىڭ ءبىرى بولىپ تابىلادى. وسىعان وراي بارىنشا ىڭعايلى موديفيكاتسيالانعان دارىلىك زاتتاردى قولدانۋ وزەكتى بولىپ وتىر. ءسوز ورايىندا ايتا كەتەلىك, SANTO كومپانياسىنىڭ كارديوپرەپاراتتارى دا ماماندارعا تانىستىرىلدى.
ء«بىزدىڭ كومپانيانىڭ قورجىنىندا قازاقستاندا وندىرىلەتىن جانە دە ەلگە يمپورتتالاتىن 13-تەن اسا كارديوپرەپارات بار. اۋرۋدى باستاپقى كەزەڭدە جانە ەكىنشى قايتارا الدىن الۋ, سونداي-اق, دارىگەردىڭ تاعايىنداعان ەمىن ۇستانۋدىڭ ماڭىزدىلىعىنا حالىقتىڭ نازارىن اۋدارۋدى ءبىزدىڭ باسى ميسسيامىز دەپ ەسەپتەيمىز», - دەدى SANTO كومپانياسى دارىقاعازبەن بوساتىلاتىن پرەپاراتتار بولشەك ساۋداسى جونىندەگى ءبولىم ديرەكتورى اننا فارلەنكوۆا.