ۇكىمەت ۇيىندە وتكەن بريفينگتە يندۋستريا جانە ينفراقۇرىلىمدىق دامۋ ۆيتسە-ءمينيسترى بەرىك قاماليەۆ قازاقستانداعى مەديتسينالىق ماسكا ءوندىرىسى تۋرالى ايتىپ بەردى.
«مەديتسينالىق ماسكا بويىنشا الماتى, جامبىل, تۇركىستان وبلىستارىندا جانە شىمكەنت قالاسىندا 5 كاسىپورىن بار. بىرىنشىدەن, قازىرگى ۋاقىتتا بۇل كومپانيالار كۇنىنە 170 مىڭ مەديتسينالىق ماسقا شىعارادى. ەكىنشىدەن, ەلىمىزدە ءبىر ايدا 5 ملن ماسكا شىعارىلادى جانە قازىر وتاندىق وندىرۋشىلەردىڭ ءوز كورسەتكىشىن ارتتىرىپ, 5 ملن-نان 6,5 ملن-عادەيىن ماسكا شىعاراتىن مۇمكىندىكتەرى بار», - دەدى ب. قاماليەۆ.
«سونىمەن بىرگە, «Dolce» كومپانياسىندا شيكىزاتتىڭ جەتىسپەۋشىلىگى ماسەلەسى كوتەرىلگەن بولاتىن. ونىڭ سەبەبى, قىتاي حالىق رەسپۋبليكاسى ماسكا شيكىزاتىنىڭ 50 پايىزىن ماسكامەن قايتارۋ جونىندە تالاپ قويعان بولاتىن. بۇل جونىنەن كەرەكتى قۇجاتتار دەنساۋلىق ساقتاۋ مينيسترلىگى ارقىلى جاسالىپ جىبەرىلدى. سوندىقتان, بۇگىن ساعات 12-دە ۇكىمەتتە ۆيتسە-پرەمەر رومان سكلياردىڭ جەتەكشىلىگىمەن تاعى جينالىس جاسايمىز. وعان مەديتسينالىق ماسكا شىعاراتىن كومپانيا وكىلدەرى كەلەدى. ولاردىڭ قانشا شيكىزاتى قالعانىن, قانشا ماسكا شىعارا الاتىنىن انىقتايمىز. بىزدەگى اقپارات بويىنشا, وتاندىق كاسىپورىنداردا جىل اياعىنا دەيىن كەرەكتى شيكىزات بار. بۇل ماسەلەنى ۇكىمەتتىڭ باقىلاۋىندا ۇستاپ وتىرمىز», - دەدى ۆيتسە-مينيستر بەرىك قاماليەۆ.