STEM-زەرتحانالار ەلوردالىق مەكتەپتەردىڭ جارتىسىنان استامىنا ءساتتى ەنگىزىلدى. بۇل تۋرالى قالا اكىمدىگىنىڭ ءباسپاسوز قىزمەتى حابارلادى.
يننوۆاتسيالىق تەحنولوگيالار جاراتىلىستانۋ عىلىمدارىن ماتەماتيكاعا, تەحنولوگياعا جانە ينجەنەرلىك ىسكە بىرىكتىرۋگە مۇمكىندىك بەرەدى.
«STEM Academia» عىلىمي دامۋ جانە زەرتتەۋلەر جونىندەگى ديرەكتورى ماعجان قىستاۋباەۆ STEM زەرتحاناسى – بۇل ءبىرىنشى كەزەكتە مەكتەپ وقۋشىلارى ءوز بىلىمدەرىن قولدانا الاتىن الاڭ ەكەنىن تۇسىندىرەدى. وقۋشىلار ساباقتى روبوتتى جيناپ ۇيرەنۋ ءۇشىن وقيدى. كوپتەگەن تەرميندەر مەن ۇردىستەردى تەك قانا وقۋلىقتان مەڭگەرۋ وڭاي ەمەس. ال STEM-زەرتحانادا ءبىلىم الاتىن وقۋشىلار گيدراۆليكالىق ەكسكاۆاتور قۇرۋ ارقىلى گيدراۆليكا پرينتسيپتەرىن كورنەكى مىسالدا وڭاي يگەرە الادى.
سونداي-اق ماعجان STEM ۇلگىسىندەگى وقىتۋ مەكتەپ تۇلەكتەرىنىڭ باسەكەگە قابىلەتتىلىگىن ارتتىراتىنىن ايتتى, ويتكەنى وقۋ مەكەمەسىن اياقتاعاننان كەيىن وقۋشىنىڭ ودان ءارى جۇمىسقا ورنالاسۋ ءۇشىن قاجەتتى پراكتيكالىق داعدىلارى بار. 3D پرينتەر, لازەرلىك ستانوكتار, كوپفۋنكتسيونالدى درون جانە ت.ب. قامتيتىن جاڭا جابدىقتاردىڭ ارقاسىندا بالالار ءوز يدەيالارىن وقۋ پروتسەسىنەن ۇزبەي جۇزەگە اسىرادى.
№41 مەكتەپتىڭ 20 جىلدىق ەڭبەك ءوتىلى بار ينفورماتيكا ءپانىنىڭ مۇعالىمى نيكولاي سەرەدا وقۋشىلاردىڭ فيزيكا, حيميا, ينفورماتيكا جانە جاراتىلىستانۋ سياقتى قيىن پاندەرگە دەگەن قىزىعۋشىلىعىنىڭ ارتقانىن ايتتى. سونىمەن قاتار مۇعالىم بالالار يگەرگەن ءبىلىم ساپاسىنىڭ جاقسارعانىن, ەكسپەريمەنتتەر جاساۋداعى قىزىعۋشىلىقتىڭ ارتقانىن جانە ءوز جوباسىن جۇزەگە اسىرۋداعى ۇمتىلىستى اتاپ ءوتتى.
قالانىڭ باسقا دا مەكتەپتەرىندە STEM-زەرتحانالارىن ەنگىزۋ جوسپارلانىپ وتىر.