قازاقستان رەسپۋبليكاسى ىشكى ىستەر مينيسترلىگى تاپسىرماسىمەن ۇيىمداستىرىلعان ء«بىز-جەڭىستىڭ مۇراگەرىمىز» اتتى تاعزىم ەستافەتاسىنان سوڭ ماڭعىستاۋلىق پوليتسەيلەر اقتاۋ قالاسىنىڭ تۇرعىنى, 98 جاستاعى سوعىس ارداگەرى قايىر قىدىرباەۆتىڭ ۇيىنە باردى. بۇل تۋرالى ماڭعىستاۋ وبلىستىق پوليتسيا دەپارتامەنتى حابارلادى.
قايىر قىدىرباەۆ 1922 جىلى 1 شىلدەدە دۇنيەگە كەلگەن. ول 1941-1945 جىلدارداعى ەكىنشىدۇنيەجۇزىلىك سوعىس كەزىندە ەكىنشى بەلارۋس مايدانىنا قاتىستى. ەرلىگى ءۇشىن I دارەجەلى «وتان سوعىسى» وردەنىمەن, «ەرلىگى ءۇشىن» مەدالىمەن ماراپاتتالعان مايدانگەر.
پوليتسەيلەر ارداگەر ءۇيىنىڭ الدىندا ساپقا تۇرىپ, قارياعا قۇرمەت كورسەتتى. سوعىس جىلدارىنداعى اندەر شىرقالدى.
-پولشانى, ۆەنگريانى, يۋگوسلاۆيانى فاشيستەردەن ازات ەتتىك. 3 رەت جارالى بولدىم, ەكى رەت كونتۋزيا الدىم. سوندا دا ادام سانىن ازايتپايىن دەپ قاتاردان قالماي, اسكەرمەن بىرگە ءجۇرىپ, جەڭىسكە قول جەتكىزدىك.
1945 جىلدىڭ 1-ءشى جەلتوقسانىندا سوعىستان امان-ەسەن كەلىپ, اۋىلشارۋاشىلىعىندا جۇمىستاندىم. بۇگىنگى كورسەتىپ جاتقان قۇرمەتتەر ءۇشىن ازاماتتارعا العىسىم شەكسىز. ول ازاماتتارعا مەنىڭ جاسىمدى بەرسىن. ەلىمىز امان, جۇرتىمىز تىنىش بولسىن! – دەپ باتاسىن بەردى سوعىس ارداگەرى ءوز سوزىندە.