تۇركىستان وبلىسى جەتىساي اۋدانىندا ىسكە قوسىلعان كۇن ەلەكتر ستانساسى گەرمانيالىق مەردىگەر كومپانيانىڭ قارجىسىنا سالىنعان. اۋدانعا ساپارى بارىسىندا وبلىس اكىمى ومىرزاق شوكەەۆ كۇن ەلەكتر ستانساسىن ىسكە قوسۋ راسىمىنە قاتىسىپ, شەتەل ينۆەستورلارىمەن كەزدەستى.
بۇرىنعى ەسكى قوقىس پوليگونىنىڭ ورنىنان سالىنعان ستانسانىڭ قۇنى - 2,5 ملرد تەڭگە, قۋاتتىلىعى 4,8 مۆت.
وبلىس اكىمى, سونداي-اق جەتىساي قالاسىن دامىتۋ ماقساتىندا اتقارىلىپ جاتقان جۇمىستارمەن تانىسىپ, شاعىناۋدانداردى اباي توپتاستىق سۋ جۇيەسىنە قوسۋ ماسەلەسىنە قاتىستى جاۋاپتى باسشىلارعا ناقتى تاپسىرمالار بەردى. ب.مومىش ۇلى اتىنداعى №6 مەكتەپ - گيمنازياسىنىڭ ۇجىمىمەن كەزدەسۋىندە كۇردەلى جوندەۋدى قاجەت ەتەتىن مەكتەپ ماسەلەسىنىڭ وڭتايلى شەشىلەتىنىن ايتتى.