تۇركىستان قالاسىندا ق.ا.ياساۋي اتىنداعى حالىقارالىق قازاق-تۇرىك ۋنيۆەرسيتەتىندە ءوڭىردى تسيفرلاندىرۋعا ءوز ۇلەسىن قوسا الاتىن جاڭا تالانتتار مەن مامانداردى انىقتاۋعا مۇمكىندىك بەرەتىن, يننوۆاتسيالىق جوبالاردى قولداۋعا ارنالعان, «Yassawi Smart Tech» بايقاۋى وتۋدە.
بايقاۋدا باق سىناۋشىلارعا ساتتىلىك تىلەگەن وبلىس اكىمىنىڭ ورىنباسارى س.قالقامانوۆ, وبلىستىق تسيفرلاندىرۋ, مەملەكەتتىك قىزمەتتەر كورسەتۋ جانە ارحيۆتەر باسقارماسىنىڭ باسشىسى ەلنۇر وتەباەۆ
ءىس-شارا ديزاينەرلەر, باعدارلاما ازىرلەۋشىلەر جانە باسقا دا ماماندار ءۇشىن يننوۆاتسيالىق جوبا, ءونىم جاساۋعا جاقسى مۇمكىندىك بەرەتىنىن اتاپ ءوتتى. بۇل الاڭ ءبىلىم جانە يدەيالارمەن الماسۋعا نەمەسە الداعى ۋاقىتتا جۇمىس ىستەيتىن بىرلەسكەن جوبانى ويلاپ تابۋعا, قانداي دا ءبىر تاقىرىپقا نەمەسە ماسەلەگە مۇددەلى تالانتتى, بەلسەندى ادامداردىڭ جەلىسىن قۇرۋعا كومەكتەسەدى.
بۇكىل رەسپۋبليكادان 100-گە جۋىق جاستار قاتىسىپ وتىرعان بايقاۋ قورىتىندىسى بويىنشا جەڭىمپازدارعا «Incraft» كومپانياسىنىڭ الماتى قالاسىنداعى 6 ايلىق تەگىن تاعىلىمداماسىنان ءوتۋ مۇمكىندىگى بەرىلمەك. ءىى جانە ءىىى ورىن العاندارعا «BilimBook» ءبىلىم بەرۋ كومپيۋتەرىمەن جانە «BilimBook light» پلانشەتى تابىس ەتىلەدى.