كەنشىلەر استاناسىنداعى Senim 109 بىرىڭعاي ۇيلەستىرۋ ورتالىعى بۇعان دەيىن ساعات 08:00-دەن 20:00-گە دەيىن جۇمىس ىستەپ كەلگەن بولسا, ەندى كەڭسەنىڭ وپەراتورلارى تاۋلىك بويى تۇرعىندارعا قىزمەت كورسەتەتىن بولدى.
Senim بىرىڭعاي ۇيلەستىرۋ ورتالىعىنىڭ ديرەكتورى راحات سادۋاقاسوۆ مۇنىڭ 2020 جىلعا ارنالعان جوسپاردىڭ ءبىر تارماعى ەكەنىن جانە ونىڭ ىسكە ءساتتى اسقانىن اتاپ ءوتتى.
– ەندى ءبىزدىڭ وپەراتورلارىمىز تاۋلىگىنە 24 ساعات بويى وتىنىشتەر قابىلداۋعا دايىن. ءبىزدىڭ ماقساتىمىز – ازاماتتارعا قوعامدىق قىزمەتتەر مەن اقپاراتتاردى ۇسىنۋدىڭ ساپاسىن ارتتىرۋ, سونداي-اق قالا تۇرعىندارى مەن قوناقتارىنان وتىنىشتەردى قابىلداۋ مەن وڭدەۋ ءۇشىن قولايلى الاڭقايلار قۇرۋ, - دەيدى ول.
Senim 109 كوممۋنالدىق قىزمەتتەر مەن مەملەكەتتىك ورگانداردىڭ قىزمەتىنە قاتىستى ازاماتتارعا ءۇش اي بويى كەڭەس بەرەدى جانە وتىنىشتەر قابىلدايدى.
ايتا كەتەتىن ءبىر جايت, Call-ورتالىق ىسكە قوسىلعاننان بەرى 8500-دەن استام ءوتىنىش كەلىپ تۇسكەن. ونىڭ 6724-ءىن وپەراتورلار قولما-قول شەشىپ, قالعان 1919-ىن ءتيىستى مەكەمەلەرگە جىبەرگەن.
Senim 109 قىزمەتىنە قوڭىراۋ شالۋدىڭ بەس جولى بار. اتاپ ايتقاندا, 109 قىسقا نومىرىنە قوڭىراۋ شالۋ (قالالىق جانە ۇيالى تەلەفونداردان قوڭىراۋ شالۋ تەگىن), Senim109.kz, Telegram-bot, Senim109.kz پورتالى, Facebook senim109 (مەسسەندجەرگە حابارلاما نەمەسە كەز كەلگەن پوست استىنداعى تۇسىنىكتەمە ارقىلى) جانە Belsendi Azamat ءموبيلدى قوسىمشاسى ارقىلى بايلانىسۋعا بولادى.
ازىرگە ورتالىق تەك قالا تۇرعىندارىنان عانا وتىنىشتەر قابىلداعانىمەن, جوسپار بويىنشا الداعى ۋاقىتتا قاراعاندى وبلىسىن تۇگەلدەي قامتيتىن بولادى.
Senim 109 بىرىڭعاي بايلانىس ورتالىعىنىڭ قالانىڭ بارلىق كوممۋنالدىق كاسىپورىندارىن بىرىكتىرەتىنىن جانە تۇرعىندارمەن بايلانىس ورناتۋدىڭ بىرىڭعاي نۇكتەسى ەكەنىن ايتا كەتكەن ءجون.
قاراعاندى وبلىسى