سان سالاعا سەرپىن بەرگەن تۇركىستان

جاڭا شاعىن اۋدان بوي كوتەرەدى

جىل سوڭىنا دەيىن «تۇركىستان» الەۋمەتتىك كاسىپكەرلىك كورپورا­تسياسى» اق تۇركىستان قالا­سىندا 25 كوپقاباتتى تۇرعىن ءۇي كەشەنىنىڭ قۇرىلىسىن اياقتاۋ­دى جوسپارلاپ وتىر. جاڭا شاعى­ن اۋدان­ 800-دەن استام جاس جانە كوپ بالالى وتباسىنىڭ باسپانالى بولۋىنا مۇمكىندىك بەرەدى. بىلتىر «نۇرلى جەر» مەملەكەتتىك باعدارلاماسى اياسىندا «تۇركىستان – جاڭا قالا» شاعىن اۋدانىندا 6 تۇرعىن ءۇيدىڭ قۇرىلىسى اياقتالعان بولاتىن. وبلىس ورتالىعى رەتىندە كۇن ساناپ تۇرلەنىپ كەلە جاتقان تۇركىستاندا ەكولوگيالىق مادەنيەتتى ارتتىرۋعا, قالانى تازا ۇس­تاۋعا دا ەرەكشە ءمان بە­رىلۋدە. وسى ورايدا جۋىردا وب­لىستىق تابيعي رەسۋرس­تار جانە تابيعات پايدالانۋدى رەتتەۋ باس­قارماسىنىڭ قىزمەتكەرلەرى قالادا 350 ءتۇپ شاعان, ۇيەڭكى, تالشىن كوشەتتەرىن وتىرعىزدى. قالانىڭ كليماتىن جاقسارتۋ مەن وبلىس ورتالىعىندا حالىقتىڭ ءومىر سۇرۋىنە قولايلى جاعداي جاساۋ ماق­ساتىندا 7 700 گەكتار اۋماققا جاسىل بەلدەۋ قۇرۋ جۇمىستارى قولعا الىندى. وسى بەلدەۋدەگى 2300 گەكتار جەرگە 1 ملن-نان استام كوشەت ەگىلدى. ءدال وسى باعىتتاعى جۇمىستار 2022 جىلعا دەيىن جالعاساتىن بولادى. ەسكە سالا كەتەيىك, پرەمەر-مينيستر ا.مامين ومىرزاق شوكەەۆكە تۇركىستان وبلىسىنىڭ اكىمى قىزمەتىنە تاعايىندالعان كەزدە جاڭا قالانىڭ جاڭعىرۋىن ۋاقتىلى قامتاماسىز ەتىپ, تۇركى الەمىنىڭ مادەني-رۋحاني استاناسى رەتىندە وركەندەتۋ جانە ونى قارقىندى دامىتۋ, ازاماتتاردىڭ الەۋمەتتىك جاعدايىن جاقسارتۋ بويىنشا جاۋاپكەرشىلىكتى جۇك­تەيتىن مىندەتتەر قويىلعانىن اتاپ وتكەن بولاتىن. بۇگىنگى وڭىر­دەگى وزگەرىستەر سول مىندەت­تەردىڭ جاۋاپكەرشىلىكپەن اتقا­رىلىپ جاتقانىنىڭ كورىنىسى دەر ەدىك. ياعني,  حالىقارالىق «الاش» سىيلىعىنىڭ لاۋرەاتى, جازۋ­شى مارحابات بايعۇتتىڭ ماقا­مىمەن ايتساق, قازىرگى ۋاقىت شە­شەنسىنبەي-اق شەشىمدەر قابىل­داپ, كوسەمسىنبەي-اق كەسىمدى, كەلىسىمدى باع­دارلار بەلگىلەپ, ناقتىلى ىستەر تىندىراتىن ۋا­قىتتا ءو.شوكەەۆتىڭ ەلباسىنىڭ, پرەزيدەنتتىڭ, ۇكىمەتتىڭ تاپسىرمالارىن ورىنداۋدا, ەلدىڭ قامىن ويلاۋدا, حالىققا جاقىنداۋداعى قۇلشىنىسى ەرەك, ۇمتىلىسى بولەك.

وڭىردە قۇرىلىس, اۋىل شارۋا­شىلىعى مەن ءوندىرىس ورىندارىنان بولەك تۋريزم سالاسىن دامىتۋ ارقىلى دا ىشكى كىرىستى ارتتىرۋعا ءمان بەرىلۋدە. وعان ءوڭىر تابيعاتىنىڭ الەۋەتى تولىقتاي جەتەدى. بۇل ورايدا تۇركىستان وبلىسىندا تاۋ شاڭعى بازاسى سالىنباق. الداعى 1-2 ايدا قۇ­جاتتارى دايىندالىپ, ۇكىمەتكە ۇسىنىلادى. تاۋ كۋرورتىندا ءبىر كۇندە 6-7 مىڭ تۋريستكە قىزمەت كورسەتەتىن نىسان سالۋ دا كوزدەلىپ وتىر. وسىلايشا تابيعات بەرگەن سىيدى پايدالانا وتىرىپ, تۋريستەرگە جاعداي جاساپ, ەكونوميكانى دامىتۋ باعىتىندا ارەكەت جاسالۋدا. تۇركىستان ءوڭىرى ەكوتۋريزم, ارحەولوگيالىق تۋريزم سىندى باعىتتاردى دا دامىتۋعا  قولايلى. «اسىرەسە تۇركىستان قالاسىنىڭ تۋريستىك الەۋەتىن, ونىڭ ىشىندە تاريحي-مادەني جانە زيارات ەتۋ باعىتى جوعارى ەكەنىن كورسەتۋ باستى نازاردا. قازىردىڭ وزىندە قالاعا جىلىنا 1,5 ملن تۋريست كەلەدى, 2025 جىلى ولاردىڭ سانىن 5 ملن-عا جەتكىزۋدى جوسپارلاپ وتىرمىز. بۇل ءۇشىن اۋەجاي, تەمىر جول باعىتى, قوناقۇي سەكىلدى قىزمەت كورسەتۋ تۇرلەرىن بارىنشا دامىتۋ كەرەك. بۇل ءوز كەزەگىندە جەرگىلىكتى حالىقتىڭ جۇمىسپەن قامتىلۋىنا جانە ەكونوميكانىڭ دامۋىنا ۇلەسىن قوسادى», دەگەن بولاتىن ءوڭىر باسشىسى حالىقپەن كەزدەسۋىندە. الداعى جىلدارى تۋريستەر تاماشالايتىن كوپتەگەن نىساندار بوي كوتەرەدى. ق.ا.ياساۋي كەسەنەسىنىڭ اۋماعىنداعى مادە­ني-رۋحاني ورتالىقتا سالىنىپ جات­قان «ياساۋي» مۋزەيى, « ۇلى دالا ەلى» ورتالىعى, دراما تەاتر, وبلىستىق عىلىمي-امبەباپ كىتاپحاناسى, «كەرۋەن» سارايى, قولونەر شەبەرلەرى ور­تالىعى, تۇڭعىش پرەزيدەنت ساياباعى, قابىلداۋ ورتالىعى, امفيتەاتر­, مۋزىكالىق سۋبۇرقاق, نە­كە سارايىنىڭ قۇرىلىستارى قالانىڭ كەلبەتىن اشاتىن نەگىزگى نىساندارعا اينالادى. ازىرەت سۇلتان كەسەنەسىنە رەستاۆرا­تسيا, كۇلتوبە قالاشىعىنا ارحەو­لو­گيالىق قازبا, كونسەرۆاتسيا جۇمىستارى جۇرگىزىلدى. بۇل دا قالانىڭ تۋريستىك الەۋەتىن ارتتىرا تۇسەتىنى ءسوزسىز. قازىرگى تاڭ­دا مەملەكەت تاراپىنان قوناقۇي بيزنەسىن دامىتۋعا بارىنشا قولداۋ كورسەتىلىپ كەلەدى. وڭىردەگى ەكى ميكروقارجى ۇيىمى مەن «قاراپايىم زاتتار ەكونوميكاسى» باعدارلاماسى اياسىندا جەڭىلدەتىلگەن باعامەن نەسيە بەرىلۋدە. سونىڭ اياسىندا «Rixos» قوناق- ءۇيى سالىنىپ, شىلدە ايىندا پايدالانۋعا بەرىلگەلى وتىر. سونىمەن قاتار «Hampton by Hilton», «Innovation Central Asia» سەكىلدى زاماناۋي قوناقۇيلەر سالىنۋدا. ال وبلىس بويىنشا جالپى 168 قوناقۇي, 51 ەمدىك-ساۋىقتىرۋ شيپاجايى مەن 60 دەمالىس ءۇيى قىزمەت كورسەتەدى. تۇركىستاندا ءتۋريزمنىڭ وركەندەۋى ءبىرىنشى كەزەكتە كاسىپكەرلىك نى­سانداردىڭ دامۋىنا ىقپال ەتەدى. ال ونىڭ ارعى جاعىندا بيۋدجەتكە تۇسەتىن سالىق, قوسىمشا جۇمىس ورىندارىنىڭ جاتقانى ايتپاسا دا تۇسىنىكتى.

وبلىس ورتالىعىنىڭ كەلەشەك كەلبەتى تۋرالى اڭگىمە قوز­عاعاندا مەملەكەت-جەكەمەنشىك ارىپتەستىگى نەگىزىندە سالىنىپ جاتقان حالىقارالىق اۋەجايعا توقتالماي كەتۋ مۇمكىن ەمەس. اتال­عان جوبا قۇنى شامامەن 68 ملرد تەڭگەنى قۇرايدى. بىلتىر قالادا 26 نىساننىڭ قۇرىلىسى باستالىپ, ونىڭ 9-ى ىسكە قوسىلدى. اي­تا كەتەرى, قاسيەتتى قالاداعى بىرقاتار نىساننىڭ قۇرىلىسىن وزگە وبلىستار, ۇلتتىق كومپانيالار جۇرگىزىپ جاتىر. ءبىر سوزبەن ايتقاندا, جاڭا تۇركىستاندى بۇكىل قازاقستان سالىپ جاتىر دەۋ­گە بولادى. وسى ۇلگى ارىس قا­لاسىن قالپىنا كەلتىرۋ كەزىندە قول­دانىلعانى ءمالىم.

 سىناقتان سۇرىندىرمەدى

ءيا, ارىستاعى اسكەري بولىمدەگى وق-ءدارى قويماسىندا بولعان جارىلىس بۇكىل ەلدى ءدۇر سىلكىندىردى. بەيبىت زاماندا ورىن العان وقيعا شۇعىل شەشىمدەر قابىلداۋدى تالاپ ەتكەنى انىق. وسى ورايدا ومىرزاق شوكەەۆتىڭ تىكەلەي تاپسىرماسىمەن 55 مىڭ حالقى بار قالانىڭ تۇرعىندارى تۇگەلدەي قاۋىپسىز اۋماققا كوشىرىلدى. زار­داپ شەگۋشىلەرگە كومەكتەسۋ, جا­تار ورنىن, اس-سۋىن قامداۋ جۇمى­ستارى العاشقى تاۋلىكتەن باستاپ ۇيىمداستىرىلدى. قالا 17 اۋماققا ءبولىنىپ, قالپىنا كەلتىرۋ ءۇشىن رەسپۋبليكاداعى وبلىس, قالالارعا بەكىتىلىپ بەرىلدى. اپاتتان كەيىن بۇكىل قازاق ەلى ارىس حالقىنىڭ قايعى-مۇڭىن ءبولىسىپ, قول ۇشىن سوزدى. ناتيجەسىندە, ارىس قالاسىندا 7 634 نىسان قايتا قالپىنا كەلتىرىلىپ, جاڭا­دان قۇرىلىستار سالىندى. بۇدان بولەك 68 الەۋمەتتىك نىسان قايتا قالپىنا كەلتىرىلدى. سونداي-اق ارىس قالاسىنداعى كوشەلەر قايتا جوندەۋدەن ءوتىپ, اباتتاندىرۋ, اياق­جولدار مەن جارىقتاندىرۋ جۇمىستارى جۇرگىزىلدى. اتالعان اۋقىمدى جۇمىستىڭ ناتيجەسىندە قالا كوركەيىپ, جاڭا كەيىپكە ەندى. ارىس قالاسىن قالپىنا كەلتىرۋ جۇمىستارىنا اتسالىسقان بار­لىق وبلىس, قالا اكىمدەرىنە, ءتيىستى مينيسترلىكتەر مەن ۇلتتىق كومپانيا باسشىلارىنا, ۇكىمەتتىك ەمەس ۇيىمدارى مەن پارتيالارعا جانە سىن ساعاتتا قولداۋ كور­سەت­­كەن قازاقستاندىقتارعا وبلىس اكىمىنىڭ, تۇرعىنداردىڭ ايتار العىسى شەكسىز. «24 ماۋ­سىم حالقىمىزدىڭ تاعى ءبىر سىناقتان سۇرىنبەي وتكەن كۇنى رەتىندە تاريحتا قالدى. ارىس تۇر­عىندارىنىڭ تىنىشتىعى بۇزىل­عانىمەن, ەلدىڭ رۋحى تۇسكەن جوق», دەگەن پرەزيدەنت ق.توقاەۆ تۇركىستان وبلىستىق اكىمدىگىنىڭ قىزمەتكەرلەرىنە, ارداگەرلەرگە, دارىگەرلەرگە, اسكەري قىز­مەتكەرگە العىس ايتىپ, قيىن ساتتە قول ۇشىن سوزىپ ايانباي تەر توككەن ازا­ماتتاردى ماراپاتتاعانى ءما­لىم. راس, ارىستاعى قۇرىلىس جۇمىس­تارىنىڭ ساپاسىنا قا­تىس­تى سىن-ەسكەرتۋلەر, ارىز-شا­عىمدار ايتىلدى. بىراق ءبىز ەل تاريحىندا 55 مىڭ حالقى بار, اپاتقا ۇشىراعان قالانى بىرنەشە ايدا تولىق قالپىنا كەلتىرۋ بۇ­رىن-سوڭدى بولماعانىن دا ەس­كەرگەنىمىز ءجون. وبلىس اكىمى وسى اپات بولعان كۇننەن باستاپ, ۇيىم­داستىرۋ, قالپىنا كەلتىرۋ جۇمىستارىنىڭ باسى-قاسىندا ءجۇردى, وزىنە جۇكتەلگەن مىندەتتى ابىرويمەن اتقارىپ شىقتى. بۇل ومىرزاق ەستاي ۇلىنىڭ ەڭبەك جولىنداعى ەڭ ءبىر جارقىن كەزەڭ بولىپ قالارى انىق.

 «قامقورلىق» شىنايى قامقورلىق كورسەتەدى

وڭىردە جىل باسىنان بەرى وزگەلەرگە ۇلگى ەتەرلىك ەرەكشە باع­دارلاما جۇزەگە اسىرىلۋدا. ال ونىڭ نەگىزى وتكەن جىلى قالانعان بولاتىن. وبلىس اكىمى جانە ونىڭ ورىنباسارلارى تۇرعىنداردى جەكە ماسەلەسى بويىنشا قابىل­داپ, ونى شەشۋ ءۇشىن ناقتى جۇ­مىستار جۇرگىزۋدى جولعا قويدى. ءبىر جىل ىشىندە 809 ازاماتتىڭ ماسەلەسى تىڭدالىپتى. وڭىردە فرونت – وفيس ورتالىعىندا تۇرعىنداردىڭ ارىز-شاعىمىن قابىلدايتىن «Open Space» ۇلگىسىندەگى, Nur Otan پارتياسى تۇركىستان وبلىستىق فيليالىنىڭ قوعامدىق قا­بىلداۋ كابينەتى جۇمىس اتقارۋدا.

مەملەكەت باسشىسى حا­لىق­قا ارناعان جولداۋىندا «ازا­ماتتاردىڭ بارلىق سىندارلى ءوتى­نىش-تىلەكتەرىن جەدەل ءارى ءتيىم­دى قاراستىراتىن «حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋ – ورتاق مىندەت» ەكەنىن اتاپ وتكەن بولاتىن. بيلىك پەن قوعام اراسىندا تۇراقتى ديالوگ ورناتۋ ماڭىزدى. وسى ورايدا وبلىس اكىمى اۋدان-قالا باسشىلارىنا ەرەكشە تالاپ قويدى. جىلدىق ەسەپ بەرۋدە ورىندالعان جۇمىستار جايلى اشىق, بۇكپەسىز اڭگىمە ايتىلۋى ءتيىس. حالىقتىڭ وكپە-نازىن تىڭداپ قانا قويماي, تۋىنداعان ماسەلەنىڭ بىردەن شەشىلگەنى ءجون. جەرگىلىكتى بيلىك وكىلدەرى حالىقپەن تىعىز جۇمىس ىستەۋى كەرەك. تۇركىستان – دەموگرافيالىق ءوسىمى جوعارى, حالىق تىعىز قو­نىستانعان وبلىس. اۋدان, اۋىلداردا ەلەۋسىز قال­عان, الەۋمەتتىك كومەككە مۇقتاج وت­باسىلاردىڭ بولۋى ابدەن مۇمكىن ەدى. وسى ءبىر جايت ەسكەرىلىپ, Nur Otan پار­تياسىنىڭ باستاماسىمەن وبلىستا ومىر­لىك قيىن جاعدايعا تاپ بولعان وتباسىلاردى كەدەيلىك دەڭگەيىنەن شىعۋعا ۇمتىلدىراتىن «قامقورلىق» باع­دار­لاماسى جۇزەگە اسىرىلۋدا. قازىر وسى باع­دارلاما اياسىندا جاعدايى تىم تومەن, كريزيستىك جانە قاناعاتتانارلىقسىز دەڭ­گەيدە ءومىر ءسۇرىپ جاتقان 1643 وتباسى انىقتالىپ, ولاردىڭ ار­قايسىسىنا ماتەريالدىق كومەك پەن قاجەتتى كەڭەس بەرەتىن ارنايى كۋراتورلار تاعايىن­دالعان. باعدارلاما باستالعالى ومىرلىك قيىن جاعدايعا تاپ بولعان 900-دەن استام وتباسىنا 45 ملن تەڭگەنىڭ دەمەۋشىلىك كومەگى كورسەتىلىپ, بىرنەشە وتباسى كا­سىپ­كەرلەردىڭ قولداۋىمەن باسپانالى بولدى. تۇرمىسى تومەن وتباسىلارعا ناقتى كومەك بەرۋدى ماقسات تۇتقان باع­دارلامانى جۇزەگە اسىرۋعا وبلىس اكىمى ەرەكشە نازار اۋدارىپ وتىر. جۋىردا تولە بي, بايدىبەك اۋداندارىنا جاساعان ساپارى بارىسىندا وبلىس باسشىسى وسى باعدارلاما اياسىندا كومەك الاتىن كوپ بالالى وتباسىلارعا ارنايى باردى. اتالعان باعدارلامانىڭ بيلىك پەن قوعام اراسىنداعى ديالوگتىڭ تۇراقتى جانە ماقساتتى ورناۋىنا سەپ­تىگىن تيگىزىپ جاتقانى انىق.

اۋىل شارۋاشىلىعىنداعى اۋقىمدى جوبالار

كيەلى تۇركىستان قالاسىنىڭ اينالاسىندا قۇرىلعان ازىق-ت ۇلىك بەلدەۋىنىڭ اۋماعى – 11 مىڭ گەكتار. مۇندا نەگىزىنەن قۇنى 27 ملرد تەڭگە بولاتىن 6 ءىرى ينۆەستيتسيالىق جوبا جۇزەگە اسادى. بۇل جوبالاردىڭ الدى وتكەن جىلى باستالدى. اتاپ ايتقاندا, «تۇركىستان اگرو – ءححى» جاۋاپكەرشىلىگى شەكتەۋلى سەرىكتەستىگى 125 اۋىل شارۋاشىلىعى تاۋارلارىن ءوندىرۋشىنى بىرىكتىرىپ, تەرريتورياسىن مىڭ گەكتارعا جەتكىزىپ, جاڭبىرلاتىپ سۋارۋ ءادىسىن ەنگىزدى. ياعني, ازىق-ت ۇلىك بەلدەۋى دە وبلىستىڭ ەكونوميكالىق-الەۋمەتتىك دامۋ ديناميكاسىنا وڭ اسەرىن تيگىزەرى انىق. وڭىردە اعىن سۋ تاپشىلىعىن شەشۋ ءۇشىن بىرنەشە باعىتتا جۇمىس اتقارىلۋدا. كەشەندى جوسپار اياسىندا 5 ءىرى سۋ نىسانىندا قۇرىلىس جۇمىستارى باستالدى. اتاپ ايتار بولساق, تۇركىستان ماگيسترالدى كانالىن بەتونمەن قاپتاۋ جۇمىستارىن جۇرگىزۋ ارقىلى قوسىمشا 60 ملن تەكشە مەتر سۋ ۇنەمدەلمەك. قازىرگى تاڭدا, 5,5 شاقىرىم جەر جۇمىستارى, 3,5 شاقىرىم بەتونمەن قاپتاۋ جۇ­مىستارى اياقتالدى. سىرداريا وزە­نىنەن ماشينالىق ادىسپەن سۋ بەرۋ ارقىلى قوسىمشا 80 ملن تەكشە مەتر اعىن سۋ جەتكىزىلمەك. بۇدان بولەك تۇركىستان قالاسىنىڭ شوشقاكول كولدىك جۇيەسىن جاڭعىرتۋ, سىيىمدىلىعى 18 ملن تەكشە مەتر بولاتىن «كەڭساي-قوسقورعان 2» سۋ قويماسىن سالۋ, ارىس-تۇركىستان ماسسيۆىندە جارامسىز بولىپ قالعان 134 دانا تىك ۇڭعىمالاردى قايتا قالپىنا كەلتىرە وتىرىپ 34,7 ملن تەكشە مەتر قوسىمشا اعىن سۋمەن قامتاماسىز ەتۋ جوبالارى بار.

وبلىستا تيىمدىلىگى دالەلدەن­گەن جاڭ­بىرلاتىپ سۋارۋ ءتاسىلى كەڭ كولەمدە قولدانىسقا ەنە باس­تادى. قازىرگى تاڭدا 800 گەكتار القاپقا جاڭبىرلاتىپ سۋارۋ تەحنولوگياسىن ورناتۋ جۇمىستارى جۇرگىزىلگەن. جالپى, جوبا شەڭبە­رىندە 1 مىڭ گەكتار القاپقا جاڭ­بىر­لاتىپ سۋارۋ تەحنولوگياسىمەن قۇنى 31,6 ملرد تەڭگە بولاتىن 7 ءىرى ينۆەستيتسيالىق جو­­با ىسكە اسىرىلا باستادى. تۇيە شا­رۋا­شىلىعىنىڭ دامۋىنا دا ەرەكشە كوڭىل ءبولىنىپ وتىر. وسى ماقساتتا بيىل 4 مىڭ باس انالىق تۇيە ساتىپ الۋ جوسپارلانۋدا. بۇل ورايدا تۇركىستاندا سالىنعان تۇيە ءسۇتىن وڭدەيتىن «Golden Camel Group LTD» جشس-مەن كەلىسىم جاسالعان. اۋىل شارۋا­شىلىعى مينيسترلىگىمەن بىرلە­سىپ ماقتا سالاسىن دامىتۋ بو­يىن­شا ارنايى باعدار­لاما ازىر­لەنۋدە. ناتيجەسىندە, ماق­تا وڭ­دەۋ زاۋىتتارىنىڭ تەحنولوگيا­سى جاڭارتىلىپ, اينالىم قاراجات­تا­رى تولىقتىرىلادى. ماقتا باعا­سىن نارىق­تىق رەتتەۋگە قول جەتكىزىلەتىن بولادى.

تۇركىستان قالاسىنداعى قار­قىن­دى قۇرىلىس, يگى باستامالار وبلىس اۋماعىنا ۇلگى بولا وتىرا جالعاسىن تاۋىپ, جوعارى دەڭگەيدە جۇرگىزىلىپ كەلەدى. سوزىمىزگە تاعى ءبىر مىسال, تۇركىستاننىڭ وبلىس ورتالىعى مارتەبەسىن الۋى كورشىلەس كەنتاۋ قالاسىنا دا وڭ اسەرىن تيگىزۋدە. وتكەن جىلى قالا بيۋدجەتىنىڭ كىرىس بولىگى 40 ملرد تەڭگەگە ورىندالعان. قالا ەكونوميكاسىنا تارتىلعان ينۆەستيتسيا كولەمى 24,4 ملرد تەڭگەگە جەتكەن. دەرەكتەرگە جۇگىنسەك, مۇنداي كورسەتكىشتەر 65 جىلدىق تاريحى بار قالادا بۇرىن-سوڭدى بولماعان. بۇگىندە كەنتاۋداعى يندۋستريالدى ايماقتا 2,9 ملرد تەڭگەگە 10 جوبانى ىسكە قو­سۋ جوس­پارلانعان. وسىلايشا كيە­لى تۇركىس­تان بۇكىل ءوڭىردىڭ الەۋ­مەتتىك-ەكونوميكالىق دامۋىنا تىكەلەي اسەر ەتۋدە.

تۇركىستان وبلىسى