9 اقپاننان 10 اقپانعا قاراعان ءتۇنى شىمكەنت قالالىق پاترۋلدىك پوليتسيا قىزمەتكەرلەرىنىڭ نازارىنا جول ەرەجەسىن ورەسكەلى بۇزعان «LADA 21703» ماركالى كولىك جۇرگىزۋشىسى ىلىكتى.
جۇرگىزۋشى جىلدامدىقتى شامادان تىس اسىرىپ, پوليتسيا قىزمەتكەرلەرىنىڭ توقتاۋ سالعان زاڭدى تالابىن ەلەمەي, كوزدەن تاسا بولۋعا تىرىسقان. اقىر سوڭى پاترۋلدىك پوليتسيانىڭ 4 ەكيپاجى ءجۇرۋ باعىتىن بۇعاتتاپ, جۇرگىزۋشى ۇستالدى.
قۇجاتتاردى تەكسەرۋ كەزىندە كولىك باسقارۋشى ادام مەن ىشىندەگى جولاۋشىلار قىزمەتكەرلەرگە قارسىلىق تانىتقان. كولىك يەسى مەديتسينالىق تەكسەرۋدەن كەيىن, ۋاقىتشا بەيىمدەلۋ جانە دەتوكسيكاتسيا ورتالىعىنا جەتكىزىلدى. كولىك ايىپپۇل تۇراعىنا قويىلدى.
جۇرگىزۋشىگە قاتىستى قر اقك-ءنىڭ كەلەسى باپتارى بويىنشا 5 اكىمشىلىك حاتتاما تولتىرىلدى:
613-باپتىڭ 1-بولىگى (كولىكتىك باقىلاۋ ورگاندارى قىزمەتكەرىنىڭ قازاقستان رەسپۋبليكاسىنىڭ اۋماعىنداعى كولىكتىك باقىلاۋ بەكەتتەرىندە كولىك قۇرالىن توقتاتۋ تۋرالى زاڭدى تالابىن ورىنداماۋ),
608-باپتىڭ 1-بولىگى (جۇرگىزۋشىنىڭ كولىك قۇرالىن الكوگولدىك, ەسىرتكىلىك جانە (نەمەسە) ۋىتقۇمارلىق ماساڭ كۇيدە باسقارۋى, سول سياقتى كولىك قۇرالىن الكوگولدىك, ەسىرتكىلىك جانە (نەمەسە) ۋىتقۇمارلىق ماساڭ كۇيدەگى ادامنىڭ باسقارۋىنا بەرۋ,
612-باپتىڭ 1-بولىگى (وزىمەن بىرگە جۇرگiزۋشi كۋالiگi نەمەسە جۇرگiزۋشi كۋالiگiنiڭ ورنىنا بەرiلگەن باسقارۋ قۇقىعىنا ارنالعان ۋاقىتشا كۋالiگi, كولىك قۇرالىنا تىركەۋ جانە زاڭنامادا بەلگiلەنگەن وزگە دە قۇجاتتارى جوق جۇرگiزۋشiنiڭ كولiك قۇرالىن باسقارۋى),
230-باپتىڭ 2-بولىگى (قازاقستان رەسپۋبليكاسىنىڭ مىندەتتى ساقتاندىرۋ تۋرالى زاڭنامالىق اكتىسىنە سايكەس مىندەتتى ساقتاندىرۋ شارتىن جاساسۋعا مىندەتتى تۇلعانىڭ مىندەتتى ساقتاندىرۋ شارتىن جاساسپاۋى),
593-باپتىڭ 2-بولىگى (قاۋiپسiزدiك بەلدىكتەرiن نەمەسە موتوشلەمدەردi پايدالانۋ قاعيدالارىن ساقتاماۋ).