بيىل 14 ناۋرىزدا «الماتى مارافونىنا» دايىندىق قارساڭىندا ەكىنشى ماۋسىمدىق جارىس — كوكتەمگى جۇگىرۋ جارىستارى وتەدى. سورە سىزىعىنا 1 500 سپورتشى جينالادى.
جۇگىرۋ اراقاشىقتىقتارى:
– 13 شاقىرىم (جۇگىرۋ مەن سكانديناۆ ءجۇرىسىنىڭ اۋەسقويلارى ءۇشىن);
– 3 شاقىرىم (بالالارعا ارنالعان اراقاشىقتىق).
كوكتەمگى جۇگىرۋگە 10 جاستان اسقان اۋەسقوي سپورتشىلار قاتىسا الادى.
ابسوليۋتتىك ەسەپتەگى جەڭىمپازدار, ياعني13 شاقىرىم اراقاشىقتىقتاعى ەڭ جۇيرىكتەرگە مەدالدار مەن اقشالاي جۇلدە تابىس ەتىلەدى. جالپى جۇلدە قورى 200 000 تەڭگەنى قۇرايدى. ءوزىنىڭ جاس شاماسى ساناتتارىندا العاشقى ءۇش ورىنعا يە بولعان جۇگىرۋشىلەرگە سەرىكتەستەردەن مەدالدار مەن جۇلدەلەر تابىستالادى. مارە سىزىعىنا جەتكەن ءاربىر جۇگىرۋشىگە ەستەلىك رەتىندە مەدال بەرىلەدى.
– كەز كەلگەن سپورتتىق جارىسقا دۇرىستاپ دايىندالۋ كەرەك. اعزاڭىز مۇنداي مىندەتتى قابىلداۋعا ۇيرەنىپ, بەيىمدەلۋى ءتيىس. سوندىقتان جاتتىعۋلارعا, تاماقتانۋعا جانە ءوز رەجيمىڭىزگە ەرەكشە نازار اۋدارىڭىز, – دەيدى سالتانات قازىباەۆا, «الماتى مارافونى» ديرەكتورى.
جۇگىرۋ ستارتتارىنا دايىندالىپ جاتقاندارعا جاتتىعۋلار ۇيىمداستىرىلعان. ولار اپتاسىنا ءۇش رەت اقىسىز نەگىزدە سەيسەنبى سايىن ساعات 20:00-دە تۇڭعىش پرەزيدەنت ساياباعىندا, ال بەيسەنبى كۇندەرى ساعات 20.00-دە جانە سەنبى كۇندەرى 10.00-دە «اتاكەنت» قىىو ساياباعىندا وتكىزىلىپ تۇرادى.
«الماتى مارافونىنىڭ» بيىلعى ەڭ باستى جۇگىرۋ ستارتىنىڭ باستالۋىنا 2 ايدان از ۋاقىت قالدى. تىركەلۋ باستالدى جانە 2020 جىلعى 1 ساۋىرگە دەيىن جالعاسادى.