ءوزىنىڭ بۇكىل سانالى عۇمىرىن مادەنيەت سالاسىنا ارناپ, وسى قىزمەتىنەن زەينەت دەمالىسىنا شىققان قورلان ەسىمجانقىزىنىڭ ءومىر وتكەلدەرى, اسىرەسە, كەيىنگى ۇرپاققا ونەگە دەرلىك. اقتوعاي اۋدانىنىڭ, ەسىل اۋىلىندا دۇنيەگە كەلگەن ول اۋىل مەكتەبىندە ءبىلىم الدى. العا اۋىلىنىڭ شايمەردەن ەسىمدى ازاماتىمەن كوڭىلدەرى جاراسىپ, شاڭىراق كوتەردى. جاسىنان ءان ونەرىنە عاشىق جان اۋىلدىق كلۋبقا مەڭگەرۋشى بولىپ ورنالاستى. كوركەمونەرپازدار ۇجىمىنان قورلان ەسىمجانقىزى ءان, بي, دراما, دومبىرا ۇيىرمەلەرىن اشتى.
ءوزىنىڭ بۇكىل سانالى عۇمىرىن مادەنيەت سالاسىنا ارناپ, وسى قىزمەتىنەن زەينەت دەمالىسىنا شىققان قورلان ەسىمجانقىزىنىڭ ءومىر وتكەلدەرى, اسىرەسە, كەيىنگى ۇرپاققا ونەگە دەرلىك. اقتوعاي اۋدانىنىڭ, ەسىل اۋىلىندا دۇنيەگە كەلگەن ول اۋىل مەكتەبىندە ءبىلىم الدى. العا اۋىلىنىڭ شايمەردەن ەسىمدى ازاماتىمەن كوڭىلدەرى جاراسىپ, شاڭىراق كوتەردى. جاسىنان ءان ونەرىنە عاشىق جان اۋىلدىق كلۋبقا مەڭگەرۋشى بولىپ ورنالاستى. كوركەمونەرپازدار ۇجىمىنان قورلان ەسىمجانقىزى ءان, بي, دراما, دومبىرا ۇيىرمەلەرىن اشتى.
دراما ۇيىرمەسىنە قاتىسۋشى ونەرپازدار دايىندىق جۇمىسىنان سوڭ, اۋىل ساحناسىنا «قۇداعي كەلىپتى», «قۋىرداق دايىن», «اداسقان قاز», «رەۆيزور» سىندى ادەبي-درامالىق كەسەك تۋىندىلاردى شىعاردى. سوفى سماتاەۆتىڭ «ەلىم-اي», حالىق اڭىز-اڭگىمەلەرىنەن «الدار كوسەنىڭ شىقبەرمەس شىعايبايدى الداۋى» سەكىلدى شىعارمالاردى ساحنالاپ, كورەرمەندەر سۇيىسپەنشىلىگىنە بولەندى. قازاقتىڭ سالت-داستۇرلەرىنە بايلانىستى كورىنىستەردىڭ تارتىمدىلىعىنا دەن بۇردى. «قىز جىبەكتىڭ تولەگەندى ەلىنە شىعارىپ سالۋى», «تويباستار», «قىز ۇزاتۋ» سەكىلدى تاقىرىپتار تاڭدالدى. اۋىل كلۋبىنىڭ جۇمىسى ونەرپاز جاستاردىڭ ۇيىمشىلدىعىمەن ءار كەز جاڭعىرىپ, سونى مازمۇنمەن بايىپ وتىردى. ەگىن وراعى, كوكتەمگى مال تولدەتۋ, پىشەن شابۋ سىندى ناۋقاندىق جۇمىستاردىڭ تۇسىندا مالشى, ەگىنشى, پىشەنشىلەرگە قورلان ەسەنجانوۆا باسقارعان ۇگىت بريگاداسى تالاي رەت كونتسەرتتىك باعدارلامالار ۇسىندى. درامالىق شىعارمالار بويىنشا رولدەردى كاسىبي ارتىستەرشە وينايتىن بىلىكتى جاستار بۋىنىن تاربيەلەپ شىعاردى. اۋىل كوركەمونەرپازدارى وبلىسىمىزدىڭ ەرتىس, اقسۋ, ەكىباستۇز, كاچيرى اۋداندىق مادەنيەت ۇيلەرىندە كونتسەرت قويدى. ۇجىم رەسپۋبليكا دەڭگەيىندە اتالىپ وتكەن ءدۇلدۇل اقىن يسا بايزاقوۆتىڭ, سۇلتانماحمۇت تورايعىروۆتىڭ, قانىش ساتباەۆ پەن الكەي مارعۇلاننىڭ مەرەيتويلارىنا قاتىسىپ, ءان مەن كۇيدەن, بي مەن جىردان شاشۋ شاشقان. ءتىپتى, 1988 جىلى شىمكەنت قالاسىندا وتكەن رەسپۋبليكالىق ونەر فەستيۆالىنە قاتىسىپ, جۇلدەلى 3-ورىنعا كوتەرىلگەن. سول جىلدارى ولار وبلىستىق راديو, تەلەارنا ارقىلى قازاقتىڭ نەبىر ءان مارجانىن جۇرتشىلىققا تارتۋ ەتتى.
قورلاننىڭ وتباسى دا شەتىنەن ونەرپاز. وتباسىلىق انسامبل وبلىستىق, رەسپۋبليكالىق سايىستارعا قاتىسىپ, اركەز جۇلدەگەر اتانعان. بۇكىلوداقتىڭ ونەر فەستيۆالدارىندا (العاشقى, ەكىنشى جانە ءۇشىنشى فەستيۆالدارىندا) ءانسامبلدىڭ لاۋرەات بولعانى ءوز الدىنا بولەك اڭگىمە. كەزىندە كەرەكۋ وڭىرىنە ايتىسكەر اقىندىعىمەن تانىلعان بەيسەنبى مۇقاجانوۆ پەن امانگەلدى اسقاروۆ قورلان انانىڭ شاكىرتتەرى بولىپ تابىلادى.
نۇرعاليەۆتار وتباسىلىق ءانسامبلى اتانعان ونەرپازدار 1987 جىلدىڭ قىركۇيەگىنەن «ەستاي بەركىمباەۆ اتىنداعى وتباسىلىق انسامبل» دەگەن قۇرمەتتى ەسىمگە يە بولدى.
1986 جىلى «وتىرار سازىن» پاۆلودار وڭىرىنە باستاپ كەلگەن مارقۇم نۇرعيسا تىلەنديەۆ نۇرعاليەۆتار وتباسىنا ارنايى اتباسىن بۇرىپ, ءۇيدىڭ كەنجەسى قايىربولاتقا اق باتاسىن بەرگەن ەكەن. ول كەزدە قايىربولات 12 جاسار جاس ءبۇلدىرشىن بولا-تۇعىن. بۇگىندە ق.شاحيماردان ۇلى ءان ونەرىن جەتە مەڭگەرگەن تاماشا ورىنداۋشى, ەرتىس وڭىرىنە ەسىمى تانىس ءانشى اتانىپ وتىر. ونىڭ ءانى مەن ءسوزىن ءوزى جازعان «اۋىلىم» ءانىن پاۆلودار راديوسى اۋىل تاقىرىبىنا تۇراقتى ارقاۋ ەتكەن. قايىربولات يسانىڭ اتاقتى «جەلدىرمەسىن», حالىق سازگەرلەرى اندەرىن تاماشا ورىندايدى. تۇڭعىشى نۇرىم دا انشىلىك ونەردى تاڭداعان. پاۆلودار مۋزىكا كوللەدجىنىڭ 3-كۋرسىندا وقيدى. قورلان انانىڭ ودان باسقا سىمبات, سابينا ەسىمدى نەمەرەلەرى دە بي, دومبىرا ونەرىمەن شۇعىلدانادى. بۇگىندە 9-سىنىپتا وقيتىن نەمەرەسى ارنا وتكەن جىلى وبلىستىق «جاۋقازىن» ءان بايقاۋىندا جۇلدەلى 1-ورىندى جەڭىپ الدى. قورلان ەسىمجانقىزى وزىمەن شامالاس وسكەن اۋىلداعى قۇربى-زامانداستارىنىڭ دا ۇستازى بولدى دەپ ايتا الامىز.
ەركىن مۋندۋينوۆ.
پاۆلودار وبلىسى,
اقتوعاي اۋدانى.