نە تۇلەن تۇرتكەنى بەلگىسىز, وبلىستىق اكىمدىككە قاراستى ءبىر باسقارمانىڭ بىلدەي باس مامانى شىمىرىكپەستەن الاياقتىق جاساۋعا بارىپتى. ول ءۇش سىبايلاسىمەن تەندەر وتكىزەتىن كونكۋرستىق كوميسسيا مۇشەلەرىنىڭ ەلەكتروندى ساندىق قولدارىن ۇرلاۋعا قاتىسقان. بۇل فاكتىنى اتىراۋ وبلىستىق ىشكى ىستەر دەپارتامەنتى قىلمىستىق پوليتسياسىنىڭ قىزمەتكەرلەرى «كونترافاكت» جەدەل الدىن الۋ شاراسى بارىسىندا انىقتاپ وتىر.
نە تۇلەن تۇرتكەنى بەلگىسىز, وبلىستىق اكىمدىككە قاراستى ءبىر باسقارمانىڭ بىلدەي باس مامانى شىمىرىكپەستەن الاياقتىق جاساۋعا بارىپتى. ول ءۇش سىبايلاسىمەن تەندەر وتكىزەتىن كونكۋرستىق كوميسسيا مۇشەلەرىنىڭ ەلەكتروندى ساندىق قولدارىن ۇرلاۋعا قاتىسقان. بۇل فاكتىنى اتىراۋ وبلىستىق ىشكى ىستەر دەپارتامەنتى قىلمىستىق پوليتسياسىنىڭ قىزمەتكەرلەرى «كونترافاكت» جەدەل الدىن الۋ شاراسى بارىسىندا انىقتاپ وتىر.
كونكۋرستىق كوميسسيا مۇشەلەرىنىڭ ەلەكتروندى ساندىق قولدارى وبلىستىق باسقارمالاردىڭ ءبىرىنىڭ كومپيۋتەرىنەن ۇرلانعان. ەلەكتروندى ساندىق قولدار مەملەكەتتىك ساتىپ الۋلار جونىندەگى www.goszakup.gov.kz سايتىنا زاڭسىز كىرۋگە, سونىمەن بىرگە, الداعى ۋاقىتتا جەڭىمپاز بولىپ جاريالاناتىن جشس-ءنىڭ ءبىرىنىڭ مەملەكەتتىك ساتىپ الۋلار كونكۋرسىنا قاتىسۋىنا رۇقسات ەتەتىن حاتتاماعا قول قويۋ ءۇشىن پايدالانىلعان.
– اتالعان قىلمىس بويىنشا ءتورت كۇدىكتى ۇستالدى. ولاردىڭ ءبىرى وبلىس اكىمدىگىنىڭ ۇرلىق جاسالعان باسقارماسىنىڭ قىزمەتكەرى, ءوزى كونكۋرستىق كوميسسيانىڭ مۇشەسى. قالعان ءۇش كۇدىكتى مەملەكەتتىك مەكەمەلەرگە كومپيۋتەرلىك جابدىقتارمەن قىزمەت كورسەتۋگە مامانداندىرىلعان اق فيليالدارىنىڭ ءبىرىنىڭ قىزمەتكەرلەرى. اتالعان فاكت بويىنشا قر قك 325-بابىنىڭ 2-تارماعى جانە قر قك 227-بابىندا كوزدەلگەن 2-تارماعىمەن قىلمىستىق ءىس قوزعالدى, –دەپ حابارلادى وبلىستىق ىشكى ىستەر دەپارتامەنتى ءباسپاسوز قىزمەتىنىڭ جەتەكشىسى گۇلنازيرا مۇحتاروۆا.
تەرگەۋ بولجامى بويىنشا, الداعى ۋاقىتتا جەڭىسكە جەتكەن كومپانيا قىلمىستى جاساعان توپقا العىس رەتىندە تەندەرگە بولىنگەن قۇرالداردىڭ قۇنىنىڭ پايىزىن تولەمەك بولعانى انىقتالدى.
جولداسبەك شوپەعۇل,
«ەگەمەن قازاقستان».
اتىراۋ وبلىسى.