كەشە ساعات 18.50 شاماسىندا شىلدەباەۆ كوشەسى بويىنداعى تۇرعىن ۇيدەن ءورت شىققان. بۇل تۋرالى وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتى حابارلادى.
112 قۇتقارۋ قىزمەتىنە تۇسكەن حابارلاما بويىنشا ءورت ءسوندىرۋ قىزمەتىنىڭ جەكە قۇرامى جەدەل ىسكە كىرىسكەن. بارلاۋ جۇمىستارى بارىسىندا ءورتتىڭ ءۇيدىڭ اس بولمەسىنەن شىققانى انىقتالدى. ونى سوندىرۋگە كىرىسكەن جەدەل قۇرام وكىلدەرى ءۇي ىشىندە ەس-ءتۇسسىز جاتقان 1983 جىلعى ازاماتتى الىپ شىقتى.
قۇتقارۋشىلار كومەگىمەن ءبىرىنشى توپ مۇگەدەگى قاۋىپسىز جەرگە شىعارىلىپتى. جەدەل جاردەم ماماندارى دا شۇعىل كومەك كورسەتكەن. بىراق, ءيىس تيگەن تۇرعىن تىلگە كەلمەي قايتىس بولدى.
ءورتتى سوندىرۋگە توتەنشە جاعدايلار دەپارتامەنتىنەن 6 تەحنيكا, 25 مامان جۇمىلدىرىلدى.