ادديس-ابەبا ۋنيۆەرسيتەتىندە حالىقارالىق انا ءتىلى كۇنىنە ارنالعان مەرەكەلىك ءىس-شارالار ءوتتى. اتالمىش شاراعا عىلىم جانە جوعارعى ءبىلىم, مادەنيەت مينيسترلىكتەردىڭ, باق, ەفيوپيانىڭ عىلىمي جانە مادەني توپتارىنىڭ وكىلدەرى, سونداي-اق ديپلوماتيالىق كورپۋس وكىلدەرى قاتىستى. بۇل تۋرالى سىرتقى ىستەر مينيسترلىگىنىڭ ءباسپاسوز قىزمەتى حابارلادى.
ءىس-شارا باعدارلاماسىنا, اتاپ ايتقاندا, ءارتۇرلى ەلدەر وكىلدەرى, ونىڭ ىشىندە قازاقستان دا قاتىستى. وسى جىلى قازاقتىڭ ۇلى اقىنى ابايدىڭ 175-جىلدىعىن مەرەكەلەۋ اياسىندا ەلشىلىكتىڭ ۇجىمى ونىڭ شىعارماشىلىعىنىڭ تۇساۋكەسەرىن جاساپ, «كوزىمنىڭ قاراسى» ءانىن قازاق تىلىندە ورىندادى.
رەسمي بولىگى كەزىندە ەفيوپيانىڭ مادەنيەت پەن عىلىم جانە جوعارعى ءبىلىم مينيسترلەرى, ادديس-ابەبا ۋنيۆەرسيتەتىنىڭ پرەزيدەنتى جانە يۋنەسكو وكىلىدەرىنىڭ قۇتتىقتاۋ سوزدەرى ايتىلدى.