ەرتەڭ تۇركىستان قالاسىندا «گران-پري الاش پرايد – 2020» ءتۋرنيرى وتەدى. بۇل جارىستا 61,2 كيلو سالماق دارەجەسى بويىنشا ورتالىق ازيانىڭ ەڭ ۇزدىك جەكپە-جەك شەبەرى انىقتالادى.
كونە شاھاردا وتەتىن جارىستا سەگىز سپورتشى كۇش سىناسادى. اتاپ ايتساق, قازاقستاندىق مۇقاعالي نەسىپباي قىرعىزستاندىق بوستون اناربەكوۆپەن جانە الىشەر عابدۋللين تاجىكستاندىق مەحردود ۋماروۆپەن ايقاسادى. سونىمەن قاتار, بۇل باسەكەدە ءنۇرالى ماجيدوۆ پەن مۇراتجان قادىروۆ (وزبەكستان), ءاليماردان ابدىقاروۆ (قىرعىزستان) جانە سايدشوح رۋزيمەتوۆ (تاجىكستان) باق سىنايدى.
نەگىزى جارىستان بولەك, تۇركىستاندا تاعى بىرنەشە قازاقستاندىق جانە شەتەلدىك سپورتشىلاردىڭ قاتىسۋىمەن رەيتينگتىك جەكپە-جەكتەر ۇيىمداستىرىلادى.