تۋبەركۋلەز جانە جىنىستىق جولمەن جۇعاتىن ۆيرۋستىق ينفەكتسيالاردىڭ كەيىنگى كەزدە بەلەڭ الۋى قوعامدى الاڭداتىپ وتىرعانى ايان. بۇل كەسەلدەردىڭ جاس ادامنىڭ اعزاسىنا كەلتىرەر زاردابى وراسان زور ەكەنى جانە ءمالىم.
وسى ماسەلەگە وراي, ءال-فارابي اتىنداعى قازاق ۇلتتىق ۋنيۆەرسيتەتىنىڭ حيميا جانە حيميالىق تەحنولوگيا فاكۋلتەتىندە «تۋبەركۋلەز جانە جىنىستىق جولمەن بەرىلەتىن جۇقپالى اۋرۋلار» تاقىرىبىندا تاربيەلىك ءىس-شارا ءوتتى.
كەزدەسۋگە س.اسفەندياروۆ اتىنداعى قازاق ۇلتتىق مەديتسينالىق ۋنيۆەرسيتەتىنىڭ دوتسەنتتەرى كۇمىس ومەشوۆا, الماش جۇمابەكوۆا مەن وسى ۋنيۆەرسيتەتتىڭ جانە قازاقستان-رەسەي مەديتسينالىق ۋنيۆەرسيتەتىنىڭ ستۋدەنتتەرى شاقىرىلدى.
س.اسفەندياروۆ اتىنداعى قازاق ۇلتتىق مەديتسينالىق ۋنيۆەرسيتەتىنىڭ ستۋدەنتتەرى وكپە قۇرتىنا بايلانىستى سۇراق-جاۋاپ سايىسىن وتكىزىپ, دۇرىس ايتقاندارعا سىيلىقتار بەرىلدى. سونىمەن قاتار قازاقستان-رەسەي مەديتسينالىق ۋنيۆەرسيتەتىنىڭ ستۋدەنتتەرى دە وزدەرى دايىنداعان قىزىقتى ماتەريالدارىمەن تانىستىردى.
مەديتسينا عىلىمىنىڭ كانديداتتارى كۇمىس ومەشوۆا, الماش جۇمابەكوۆا بۇل اۋرۋلاردىڭ ىشىندەگى ەڭ قاۋىپتىلەرى: سپيد, مەرەز, سوز ەكەندىگىن جانە ونىڭ جۇعۋ جولدارىن ءتۇسىندىردى. مۇنداي جۇقپالى دەرتتەرەگە اركىمدۋشار بولا بەرمەيدى. ادامدار ءوز دەنساۋلىعىنا ءجىتى قاراپ, مورالدىق قاعيداتتارى ۇستانىپ جۇرسە مۇنداي كەسەلدەرگە شىلدىقپايتىندىعىن جانە ودان ساقتانۋ ەرەجەلەرىن ايتىپ, ستۋدەنتتەردى قىزىقتىرا ءتۇستى.
كەزدەسۋ سوڭىندا ءال-فارابي اتىنداعى ۋنيۆەرسيتەتىنىڭ حيميا جانە حيميالىق تەحنولوگيا فاكۋلتەتىنىڭ, س.اسفەندياروۆ اتىنداعى قازاق ۇلتتىق مەديتسينالىق ۋنيۆەرسيتەتىنىڭ جانە قازاقستان-رەسەي مەديتسينالىق ۋنيۆەرسيتەتىنىڭ 4 كۋرس ستۋدەنتتەرى ءبىر-بىرىنە دايىنداعان سىيلىقتارىن تابىستادى.