تاەكۆوندودان ازيا قۇرلىعى بويىنشا بيىل توكيودا الاۋى تۇتاناتىن وليمپيا ويىندارىنىڭ ليتسەنزيالىق ءتۋرنيرى يوردانيا استاناسى – امماندا وتەتىن بولدى.
نەگىزى بۇل جارىس قىتايدىڭ ۋسي قالاسىندا وتۋگە ءتيىس ەدى. الايدا اسپاناستى ەلىندە كوروناۆيرۋس دەرتىنىڭ دەندەۋىنە بايلانىستى حالىقارالىق تاەكۆوندو فەدەراتسياسى ايتۋلى دودانى يوردانيادا ۇيىمداسترۋ جونىندە شەشىم قابىلادى. ەندى ليتسەنزيالىق تۋرنير سول ەلدە 10-12 ءساۋىر ارالىعىندا وتەدى.
ەستەرىڭىزگە سالا كەتەيىك, وليمپيا ويىندارىندا تاەكۆوندودان سەگىز جۇلدە جيىنتىعى (4 ەرلەر+4 ايەلدەر) ساراپقا سالىنادى. وسىدان ءتورت جىل بۇرىن ريو-دە-جانەيرودا وتكەن وليمپيادانىڭ جالپى كوماندالىق ەسەبىندە وڭتۇستىك كورەيا توپ جارعان بولاتىن. ولار 2 التىن جانە 4 قولا مەدالدى ولجالادى. ەكىنشى ورىنداعى قىتايدىڭ قورجىنىندا قوس باس جۇلدە بار. ءۇشىنشى ساتىعا ۇلىبريتانيا تابان تىرەدى. تۇماندى البيون ەلىنىڭ وكىلدەرى ءتۇرلى-ءتۇستى جۇلدەنىڭ ارقايسىسىنان ءبىر-بىردەن يەلەندى. برازيلياداعى باسەكەدەن قازاقستان قۇراماسىنىڭ قورجىنى بوس قايتقان ەدى.