مۇناي مەن كوندەنسات ءوندىرۋ دەڭگەيى تۇراقتى

وتكەن جىلى مۇناي مەن كوندەنسات ءوندىرۋ دەڭگەيى تۇراقتى بولىپ, 23 618 مىڭ توننانى نەمەسە قازاقستان بويىنشا بارلىق ءوندىرۋ كولەمىنىڭ 26 پايىزىن قۇرادى. كاسىپورىن العاش رەت PRMS حالىقارالىق ستاندارتتارىنا سايكەس ازىرلەنگەن قور ناتي­جەلەرىن جاريالاپ وتىر. قمگ-نىڭ دالەلدەنگەن جانە ىق­تيمال كومىرسۋتەگى قورى 2019 جىلدىڭ 31 جەلتوقسانىندا مۇناي ەكۆي­ۆا­لەنتىندە 676 ملن توننانى (5 220 ملن مەب) قۇرادى. مۇناي مەن گاز تاسىمالداۋ سەگمەنتى تۇراقتى جاعدايدى كورسەتۋدە. ايتالىق, كومپانيانىڭ قۇبىر جەلىلەرى ارقىلى 78 066 مىڭ توننا مۇناي جانە 103 494 ملرد تەكشە مەتر گاز تاسىمالداندى.

قمگ قازاقستاننىڭ ىشكى نارىعىنىڭ اشىق ءتۇستى مۇناي ونىمدەرىنە سۇرانىسىن تولىق وتەدى. ارتىلعان كولەمى ەۋروپا مەن ورتالىق ازيا نارىقتارىنا ەكسپورتقا شىعارىلدى. كومپانيا اشىقتىقتى قولدايتىنىن راستاي وتىرىپ, العاش رەت پارنيكتىك گاز­داردىڭ شىعارىندىلارى تۋرا­لى ەسەپتى جاريالادى. ەسەپ كلي­مات­تىڭ وزگەرۋىنە بەيىمدەلۋ جونىن­دەگى قمگ-نىڭ جەتىستىكتەرى مەن جوس­پارلارىن اشىپ كورسەتەدى.

«2019 جىل كاسىپورىن ءۇشىن تابىستى بولعانىن حابارلاي­مىن. ءبىز قاۋىپسىزدىك ماسەلەلەرىن قاشاندا باستى نازاردا ۇستاپ, مۇنايدى بارلاۋ مەن ءوندىرۋ, تاسى­مالداۋ جانە وڭدەۋ باعىت­تارىندا قىزمەتىمىزدى جالعاستىر­دىق. سونىڭ ناتيجەسىندە قا­زاق­ستاننىڭ ۇلتتىق مۇناي-گاز سالاسىنداعى كوشباسشى كوم­پانيا ەكەنىمىزدى تاعى دا دالەل­دەدىك. نەگىزگى مۇددەلى تاراپ­تاردىڭ سەنىمى كومپانيا مار­تەبەسىن ساقتاپ تۇرۋدا ماڭىز­دى ەكەنىن ايرىقشا اتاپ وتە­مىز. بۇل رەتتە مۇددەلى تاراپ­تار ءۇشىن كىرىستى بارىنشا كوبەيتۋ جونىندەگى ستراتەگيامىزدى جۇزەگە اسىرۋدا ەداۋىر ناتيجەگە قول جەتكىزدىك. قمگ ءۇشىن بيزنەستى جاۋاپكەرشىلىكپەن جۇرگىزۋ جانە ادامدار مەن قورشاعان ورتاعا قامقورلىق تانىتۋ ءاردايىم باسىمدىققا يە ەكەنىن مالىمدەيمىز», دەدى «قازمۇنايگاز» ۇك اق باسقارما توراعاسى اليك ايدارباەۆ.

بىلتىرعى جىلدىڭ وندىرىستىك ناتيجەلەرىنە توقتالار بولساق, كومىرسۋتەك شيكىزاتىن ءوندىرۋ بويىنشا قمگ-نىڭ مۇناي مەن گاز كوندەنساتىن ءوندىرۋ كولە­مى تاۋلىگىنە 485 مىڭ باررەل­دى قۇراپ, وتكەن جىلمەن سالىس­تىرعاندا وزگەرىسسىز قالدى. ىلەسپە جانە تابيعي گازدى ءوندىرۋ كولەمى 3,9 پايىزعا ءوسىپ, 8 455 ملن تەكشە مەتردى قۇرادى. تەڭىز, قاشاعان, قاراشىعاناق سياقتى ءىرى جوبا­لاردىڭ مۇناي جانە ىلەسپە تابيعي گازدى ءوندىرۋ كولەمىندەگى قمگ ۇلەسى تيىسىنشە 8 142 مىڭ توننانى (تاۋلىگىنە 178 مىڭ باررەل) جانە 5 819 ملن تەكشە مەتردى قۇرادى.

تەڭىز مۇناي ءوندىرۋ كو­لە­­مىندەگى قمگ ۇلەسى 4,1 پايىز­عا, 5 958 مىڭ تونناعا دەيىن (تاۋ­­­لىگىنە 130 مىڭ باررەل) ۇل­عايدى, ال گاز ءوندىرۋ 4,2 پا­يىز­عا 3 258 ملن تەكشە مەتر­گە دەيىن ءوستى. كۇردەلى جوندەۋ جۇر­­گىزۋ ءۇشىن ءوندىرۋ پروتسەسىنىڭ توق­تاتىلعانىنا قاراماستان, كولەمنىڭ ۇلعايۋى جۇمىستىڭ تۇراق­تىلىعىنا جانە كتج/شگا/ەبز زاۋىتتارى (كەشەندى-تەحنولوگيالىق جەلى/ شيكى گازدى ايداۋ/ ەكىنشى بۋىن زاۋىتى) بەرىكتىگىنىڭ ارتۋىنا بايلانىستى بولدى. وتكەن جىلى 1 تامىز بەن 9 قىركۇيەك ارالىعىندا تەڭىزدە كتج1 زاۋىتىندا 40 كۇنگە سوزىلعان جوسپارلى كۇردەلى جوندەۋ جۇمىستارى جۇرگىزىلدى.

قاشاعان كەن ورنىندا مۇناي ءوندىرۋ كولەمىندەگى قمگ ۇلەسى 6,9 پايىزعا, 1 169 مىڭ تونناعا دەيىن (تاۋلىگىنە 25 مىڭ باررەل) ارتتى. تابيعي جانە ىلەسپە گازدى ءوندىرۋ كولەمى 10,4 پايىزعا ءوسىپ, 700 ملن تەكشە مەتردى قۇرادى. مۇناي جانە گاز ءوندىرۋ كولەمى 2019 جىلدىڭ 14 ءساۋىرى مەن 19 مامىرى ارالىعىندا جەرۇستى جانە تەڭىز كەشەندەرىندە كۇردەلى جوندەۋ جۇرگىزۋ جانە پايدالانۋ كوەففيتسيەنتىن 98,4 پا­يىزعا دەيىن ارتتىرۋ اياسىندا جۇرگىزىلگەن جۇمىستاردىڭ نا­تي­جەسىندە ارتتى. 2019 جىلى قا­شاعاندا ءوندىرۋ ەڭ جوعارى كور­­سەت­كىشكە جەتىپ, تاۋلىگىنە 400 مىڭ­­­­­عا جۋىق باررەلدى قۇرادى. ال 2019 جىل­دىڭ IV توقسانىنداعى ورتاشا تاۋلىكتىك ءوندىرۋ دەڭگەيى تاۋلىگىنە 344 مىڭ باررەلدى قۇرادى. قاشاعان كەن ورنىندا العاش رەت بارلىق وندىرىستىك نىساندار تولىق توقتاتىلىپ, كۇردەلى جوندەۋ جۇمىستارى ءساتتى اياقتالدى.

وپەراتسيالىق اكتيۆتەردىڭ مۇناي مەن گاز ءوندىرۋ كولەمىندەگى قمگ ۇلەسى شامالى ازايىپ, تيىسىن­شە, 15 476 مىڭ توننا (تاۋ­لىگىنە 307 مىڭ باررەل) جانە 2 636 ملن تەكشە مەترگە دە­يىن تومەندەدى. وپەراتسيالىق اكتيۆ­تەردەگى ءوندىرۋ كولەمىنىڭ تومەن­دەۋى نەگىزىنەن قازگەرمۇناي جانە پەتروقازاقستان كەن ورىندارىندا وندىرىستىك جوسپارعا ساي ءوندىرۋ دەڭگەيىنىڭ سايكەسىنشە 17,7 جانە 15,5 پايىزعا تابيعي جولمەن تومەندەۋىنە بايلانىستى بولدى.

2019 جىلى قمگ جەكە ءوزى وندىرگەن مۇناي مەن گاز كوندەنساتىن ساتۋ كولەمى وتكەن جىلمەن سالىستىرعاندا وزگەرگەن جوق جانە 23 509 مىڭ توننانى قۇرادى. ونىڭ 70%-ى ەكسپورتقا شىعارىلدى. ال ىشكى نارىققا ءوزى وندىرگەن مۇنايدى جەتكىزۋ كولەمى 7 130 مىڭ توننانى (كەيىننەن مۇ­ناي ونىمدەرىن وتكىزۋ ءۇشىن 6 672 مىڭ توننا كولەمىندە شيكى مۇناي جەتكىزۋدى قوسا العاندا) قۇرادى.