الماتى قالاسى ورتالىقتاندىرىلعان كىتاپحانا جۇيەسى جانە مەدەۋ اۋدانى اكىمدىگىنىڭ ۇيىمداستىرۋىمەن اباي قۇنانباەۆتىڭ تۋعانىنا 175 جىلدىعىنا ارنالعان «اباي الەمى» جوباسى اياسىندا مەرەكەلىك شارا ءوتتى.
«ابايدىڭ تۋعانىنا 175 جىل تولۋىنا وراي ۇيىمداستىرىلىپ وتىرعان شارانىڭ ماقساتى ۇلى اقىن مۇراسىن جاستار اراسىندا ناسيحاتتاۋ, شىعارمالارىمەن تانىستىرۋ» دەپ اتاپ وتكەن الماتى قالاسى ورتالىقتاندىرىلعان كىتاپحانا جۇيەسى ديرەكتورىنىڭ ورىنباسارى ناتاليا كوۆالەنكونىڭ ايتۋىنشا, اباي مۇراسىمەن جاستاردى عانا ەمەس قالا تۇرعىندارىن تانىستىرۋدىڭ ماڭىزى زور.
رەسپۋبليكا سارايىنا جينالعان قالا تۇرعىندارى «اباي الەمدىك عاجايىپ تۇلعا» كورمەسى ۇيىمداستىرىلدى. وندا اقىننىڭ ءومىرى مەن شىعارماشىلىعىنا ارنالعان ليريكالىق جانە ساتيرالىق ولەڭدەرى, پەيزاجدىق ەسكيزدەرى, «قارا سوزدەرى», ورىس جانە شەتەلدىك اۆتورلارىنىڭ اۋدارمالارى قويىلدى. ال پوەزيا اۋەسقويلارى ءۇشىن «پوەتيكالىق ميكروفون: پوەزيا - ءتىلدىڭ بيلەۋشىسى» الاڭىندا الماتى قالاسى ورتالىقتاندىرىلعان كىتاپحانا جۇيەسى وقىرماندارى مەن تانىمال اقىندار ابايدىڭ ولەڭدەرىن وقىدى. ال «اباي الەمى» مۋزىكالىق ساعاتىندا ابايدىڭ مۋزىكالىق كومپوزيتسيالارى ۇسىنىلدى. رۋحاني كەشتى تاماشالاۋعا كەلگەندەر سونىمەن قاتار «ابايدىڭ شىعارمالارىن بىلەسىز بە؟» زياتكەرلىك كۆەستىنە قاتىستى. سونداي-اق, اباي پوەزياسىن سۇيەتىندەر ءۇشىن بەلگىلى اقىندار مەن جازۋشىلاردىڭ قاتىسۋىمەن « ۇلى مۇرانى ساقتاۋ» ماستەر-كلاسسى جانە اباي شىعارمالارىنداعى بەينەلەۋ ونەرى كورمەسى ءوتىپ, اقىن شىعارماشىلىعىنا قاتىستى فيلمدەر كوپشىلىك نازارىنا ۇسىنىلدى.
الماتى