ەرىكتىلەر قوزعالىسى جۇيەلى ءتاسىل مەن كەشەندى دامۋدى تالاپ ەتەدى. ارينە, ەرىكتىلەردىڭ قوعامداعى جۇمىسى كوپشىلىكتىڭ كوز الدىندا ءوتىپ جاتىر. الايدا, بۇگىندە ەرىكتىلەر قىزمەتىنىڭ الەۋمەتتىك ءورىسى دە جارقىن ءارى كوپشىلىككە ۇلگى بولىپ وتىر.
مۇنداي جۇيەلى جۇمىس ەلىمىزدىڭ كوللەدجدەرى مەن جوعارى وقۋ ورىندارى ارقىلى ىسكە اسىرىلۋدا. كوكشەتاۋدا «الەۋمەتتىك ستۋدەنتتىك نەسيە» جوباسى اياسىندا يگىلىكتى جۇمىسقا Qazvolonteer.kz پلاتفورماسى ارقىلى شوقان ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتىنىڭ 106 ستۋدەنتى قاتىسادى.
ء–بىز عىلىم جانە ءبىلىم مينيسترلىگىمەن كەلىسىمگە قول قويدىق. ستۋدەنتتەر جۇمىس ىستەپ, جالاقىلارىن الۋى ءۇشىن بارلىق جاعدايدى جاسايمىز. ماسەلەن 20 ساعاتقا – 20 مىڭ تەڭگە. ال, 50 ساعاتقا – 50 مىڭ تەڭگە. بۇل تەك جوعارى وقۋ ورىندارىنىڭ جانە كوللەدج ستۋدەنتتەرىنە عانا قاتىستى. ءبىز الەۋمەتتىك باعىتتى, قارت ادامدارعا, از قامتىلعان, جالعىز باستى ادامدارعا كومەك كورسەتۋدى تاڭدادىق. بىزدە ديسپەتچەرلىك قىزمەت جوباسى بار. ءبىز مۇمكىندىگى شەكتەۋلى ادامدارعا بارىپ, كومەكتەسەمىز. مۇنداي قامقورلىق اجەپتاۋىر ۋاقىتتى الادى. «شانس» مۇگەدەكتەردى وڭالتۋ ورتالىعىمەن قويان-قولتىق جۇمىس ىستەيمىز, دەيدى «فەنيكس» ەرىكتىلەر ورتالىعىنىڭ جەتەكشىسى ەربول امانباەۆ.
الەۋمەتتىك ۆولونتەرلىك دەگەنىمىز ەرەسەك ادامنىڭ قوعامعا پايدالى بولۋىن تاڭداۋ ەركى. ياعني, مۇگەدەكتەر, قارت ادامدار, جەتىمدەر, جالعىز باستى مەن ۇيسىزدەرگە كومەك كورسەتۋى. ويتكەنى, كومەك قولىن سوزۋدا ەش كەدەرگى جوق.
–بىزدە «سنەجنىي دەسانت» جوباسى بار. جوبا اياسىندا قاڭتار ايىنان باستاپ ونداعان زەينەتكەرگە كومەك كورسەتتىك,–دەيدى ەرىكتى ارسەن جۇمابەكوۆ.
ۋنيۆەرسيتەت پرورەكتورىنىڭ ايتۋىنشا, Qazvolonteer.kz. پلاتفورماسىندا دامۋدىڭ زور الەۋەتى بار. ول جاستارعا ۇسىنىلعان باعىتتاردى دامىتۋمەن قاتار, تۋريزم جانە ەكولوگيا سالاسىنداعى جوبالاردى ويلاۋعا بولاتىنىن اتاپ ءوتتى.
اقمولا وبلىسى.