قىزىلوردادا پوليتسەيلەر, توتەنشە جاعداي قىزمەتكەرلەرى مەن ەرىكتىلەر ءتورت كۇننەن بەرى حابارسىز كەتكەن كاسىپكەردى ىزدەستىرۋدە.
جەتپىس ەكى جاستاعى تىنىمباي باجەنوۆ 15 اقپاندا تاڭعى ساعات 05.00 شاماسىندا داريا بويىندا جۇگىرۋگە شىعىپ, سودان بەرى ۇيىنە قايتا ورالماعان.
بۇل دەرەك قىزىلوردا قالالىق پوليتسيا باسقارماسىندا تىركەلىپ, جەدەل ىزدەستىرۋ شارالارى باستالدى. وعان وبلىستىق پوليتسيا, توتەنشە جاعدايلار دەپارتامەنتتەرى قىزمەتكەرلەرى جۇمىلدىرىلدى. فەيسبۋك الەۋمەتتىك جەلىسىن بەلسەندى پايدالانۋشى سەرىك ەرىمبەتوۆ اتتى ازاماتتىڭ ۇيىمداستىرۋىمەن ىزدەۋ جۇمىستارىنا «ۆولونتەرى قىزىلوردا» ەرىكتىلەر توبى دا قاتىسۋدا.
ءتورت كۇن ىشىندە ىزدەۋشىلەر داريا بويىن, وعان جاقىن سالىنىپ جاتقان جانە قاراۋسىز قالعان قۇرىلىستاردى, سول ماڭايداعى ساياجايلىق اۋماقتاردى ارالاپ شىقتى.
ازىرگە ەشقانداي ناتيجە جوق. ىزدەستىرۋ جۇمىستارى جالعاسۋدا.