الماتىنىڭ بوستاندىق اۋدانىندا وتكەن جىلى 27 بالاباقشا اشىلعان. بۇل تۋرالى بوستاندىق اۋدانىنىڭ اكىمى التاي راقىمبەتوۆ الماتى قالاسى اكىمدىگىنىڭ ءباسپاسوز ورتالىعى الاڭىندا وتكەن بريفينگتە مالىمدەدى.
التاي راقىمبەتوۆ حابارلاعانداي, بۇگىنگى تاڭدا اۋداندا جالپى 10 595 ورىندىق 29 مەملەكەتتىك جانە 89 جەكە مەنشىك بالاباقشا جۇمىس ىستەيدى. 3 جاستان 6 جاسقا دەيىنگى بالالاردىڭ كەزەكتىلىگى 2936 قۇرايدى.
«بالاباقشالارعا كەزەكتىلىكتى قىسقارتۋ ءۇشىن مجس اياسىندا 2019 جىلى 27 جەكە مەنشىك بالاباقشا مەن شاعىن ورتالىقتار اشىلدى. ودان وزگە, №21 گيمنازيا اۋماعىندا 120 ورىندىق №189 بالاباقشا قۇرىلىسى اياقتالۋدا», – دەدى بوستاندىق اۋدانىنىڭ اكىمى.
سونداي-اق «اسىل تاۋ» تۇرعىن ءۇي كەشەنىنىڭ اۋماعىندا الەۋمەتتىك جاۋاپكەرشىلىك اياسىندا جەكە كومپانيامەن 195 ورىندى 191 بالاباقشا قۇرىلىسى اياقتالدى.
جالپى جانە ورتا ءبىلىم بەرۋ جۇيەسىنە 56 ۇيىم كىرەدى, ونىڭ 22-ءى جەكە مەنشىك جانە 34-ءى مەملەكەتتىك مەكتەپ. بوستاندىق اۋدانى مەكتەپتەرىنىڭ جوبالىق قۋاتى 25 873 وقۋشى ورنىن قۇرايدى. وتكەن وقۋ جىلىمەن سالىستىرعاندا وقۋشىلاردىڭ ءوسىمى 4019 بالانى قۇرادى.
«وقۋشى ورنىنىڭ تاپشىلىعى 4270 قۇرايدى جانە سوندىقتان مەكتەپتەردىڭ نەگىزگى عيماراتتارىنا قوسىمشا قۇرىلىس سالۋ بويىنشا بىرقاتار ءىس-شارالار جۇرگىزىلۋدە. وتكەن جىلى №105 مەكتەپكە قوسىمشا ورىن قۇرىلىسى جۇرگىزىلدى, ال قازىرگى ۋاقىتتا №140 مەكتەپكە قوسىمشا ورىن قۇرىلىسى جۇرگىزىلىپ وتىر. سونداي-اق №65 مەكتەپتىڭ قوسىمشا قۇرىلىسىن سالۋ جوسپارلانعان. جوعارىدا ايتىلعان بارلىق قوسىمشا قۇرىلىستاردىڭ ارقايسىسى 300 ورىنعا ارنالعان», – دەدى التاي راقىمبەتوۆ.
وتكەن جىلى №38 جانە №60 گيمنازيالارىنىڭ قۇرىلىسىنا جوبالىق-سمەتالىق قۇجاتتاما ازىرلەندى. بۇگىنگى كۇنى قۇرىلىس باسقارماسىمەن كەشەندى جۇمىستار قولعا الىنعان جانە بيىل ارقايسىسى 600 ورىندى قۇرايتىن مەكتەپكە جاپسارلاس قۇرىلىس جۇمىستارى باستالادى.
الماتى