الماتىداعى بوتانيكالىق باقتى جوندەۋ جۇمىستارى كوكتەمدە اياقتالادى

التاي بەلعازى ۇلىنىڭ ايتۋىنشا, الماتى قالاسىنىڭ اكىمى باقىتجان ساعىنتاەۆتىڭ تاپسىرماسىمەن بيىلعى جىلدىڭ كوكتەمىندە بوتانيكالىق باقتى قايتا جاڭارتۋدى اياقتاۋ جوسپارلانعان.

بۇگىنگى كۇنى باق اۋماعىندا جاڭا كىرۋ پاۆيلوندارى, قورشاۋلار سالۋ, سۋارۋ جۇيەسىن قۇرۋ (سۋارۋ ارىقتارى) بويىنشا ينجەنەرەلىك-تەحنيكالىق جۇمىستار جۇرگىزىلدى. سونداي-اق جارىقتاندىرۋ جۇمىستارى جۇرگىزىلۋدە, بەينەباقىلاۋ جۇيەلەرى ورناتىلىپ جاتىر.

«بۇرىن بوتانيكالىق باق اۋماعىنا تەك تيميريازەۆ كوشەسىنەن كىرۋگە بولاتىن. ەندى زاماناۋي كىرۋ توپتارى ۇيىمداستىرىلدى. تۇرعىندارعا قولايلى بولۋ ءۇشىن باققا اتاكەنتتەن جانە ءال-فارابي داڭعىلىنان كىرۋ پاۆيلوندارى ۇيىمداستىرىلادى», دەدى اۋدان اكىمى.

سونىمەن قاتار تروتۋارلاردى جوندەۋ جۇمىستارى جۇرگىزىلۋدە. جولدارعا ارنايى ەكولوگيالىق قوسپا توسەلۋدە. فونتان قۇرىلىسى اياقتالدى. باقتىڭ اۋماعىندا كىشى پىشىندەگى سالەت فورمالارى ورناتىلادى. «مەنىڭ ويىمشا, ءبىزدىڭ بوتانيكالىق باق وزگەرەدى, جىل سايىن كەلۋشىلەر سانى ارتادى. قالا ورتالىعىندا وسىنداي جاسىل القابىمىزدى ودان ءارى دامىتاتىن بولامىز», دەپ ءبولىستى اۋدان باسشىسى.

بوستاندىق اۋدانىنىڭ اكىمى اتاكەنت كورمە ورتالىعىنىڭ الدىنداعى الاڭدى وزگەرتۋ بويىنشا ەسكيزدىك جوبالار ازىرلەنىپ جاتقانىن اتاپ ءوتتى. بارلىق جوبالار ۇسىنىستار مەن وزگەرىستەر ەنگىزۋ ءۇشىن قوعامدىق تالقىلاۋعا ۇسىنىلادى.

«تۇرعىنداردىڭ ۇسىنىستارى ەسكەرىلەدى, اكىمدىك جەكە شەشىم قابىلدامايدى», دەپ قورىتىندىلادى ءسوزىن بوستاندىق اۋدانىنىڭ باسشىسى.