رەسپۋبليكالىق «جولدا قابىلداۋ» اكتسياسى اياسىندا قىزىلوردادا شەتەلدەن كولىك اكەلگەن ازاماتتارعا ءتۇسىندىرۋ جۇمىستارى جۇرگىزىلۋدە. بۇل تۋرالى وبلىستىق پوليتسيا دەپارتامەنتىنىڭ ءباسپاسوز قىزمەتى حابارلادى.
اكتسيا شەڭبەرىندە جەرگىلىكتى پوليتسيا قىزمەتى, اكىمشىلىك پوليتسيا مەن قالالىق پوليتسيا باسقارماسى, اۋداندىق بولىمدەر باسشىلارى بەلگىلەنگەن ورىنداردا ازاماتتاردى قابىلداۋدا.
موبيلدىك قابىلداۋ كەزىندە تۇرعىندارعا ارمەنيا, قىرعىزستان, بەلارۋس پەن رەسەيدەن اكەلىنگەن كولىكتەردىڭ ءبىزدىڭ ەلدە راسىمدەلۋ ءتارتىبى, ەلەكتروندىق ۇكىمەت پورتالى ارقىلى مەملەكەتتىك قىزمەتتەردىڭ قولجەتىمدىگى تۋرالى قۇقىقتىق كەڭەستەر بەرىلىپ جاتىر.