ءال-ءفارابيدىڭ ۇستازدىق تۇجىرىمداماسى تاقىرىپقا ارقاۋ بولدى

كونفەرەنتسيا بارىسىندا «ونلاين-كۋرستاردى وقۋ ۇدەرىسىنە بىرىكتىرۋ. پەداگوگيكالىق ستسەناري ازىرلەۋ ادىستەمەسى» جانە «پەداگوگ كادرلاردى دايارلاۋداعى جوو مەن ورتا مەكتەپتىڭ ءوزارا ءىس-ارەكەتتەرىنىڭ جاڭا ۇلگىلەرى» تاقىرىپتارىندا شەبەرلىك-كلاستارى وتكىزىلدى.

سونىمەن بىرگە ۋنيۆەرسيتەت فاكۋلتەتتەرىندە «قازىرگى جاعدايداعى جوو تۇلەگىنىڭ قۇزىرەتتىلىك مودەلى», ء«بىلىم بەرۋدى تسيفرلاندىرۋ جاعدايىنداعى جوو وقىتۋشىسىنىڭ قۇزىرەتتىلىك ءپروفيلى», «جوو وقىتۋشىلارىن وقىتۋ جانە اتتەستاتتاۋ جۇيەسى», «جوو وقىتۋشىلارىنىڭ پەاگوگيكالىق قىزمەتىن ىنتالاندىرۋ مەحانيزمى», ء«بىلىم بەرۋ ۇدەرىسىندەگى جاڭا اقپاراتتىق تەحنولوگيالار», «كادرلاردى دايارلاۋداعى ورتا جانە جوعارى ءبىلىم بەرۋدىڭ ءوزارا ءىس-ارەكەتىنىڭ جاڭا فورمالارى» سىندى نەگىزگى باعىتتار بويىنشا پىكىرتالاس الاڭدارى مەن دوڭگەلەك ۇستەلدەر وتكىزىلدى.

ماسەلەن, حيميا عىلىمدارىنىڭ كانديداتى م.ي.تولەپوۆ مودەراتور بولعان ء«بىلىم بەرۋ ۇدەرىسىندەگى جاڭا اقپاراتتىق تەحنولوگيالار» سەكتسياسىندا حيميا جانە حيميالىق تەحنولوگيالار فاكۋلتەتىنىڭ وقىتۋشى-پروفەسسورلار قۇرامى جانە جۇمىس بەرۋشىلەر وكىلى قاتىسىپ, سەكتسيادا بەس بايانداما تىڭدالدى. جيىن سوڭىندا قاتىسۋشىلار ءبىلىم بەرۋ ۇدەرىسىنە جاڭا اقپاراتتىق تەحنولوگيالاردى ەندىرۋ جۇمىس بەرۋشىنىڭ تىكەلەي قاتىسۋىمەن جۇزەگە اسۋى ءتيىس دەگەن قورىتىندىعا كەلىپ, تاعى دا بىرنەشە ماسەلەلەر بويىنشا رەزوليۋتسيالار قابىلدادى.   

قازۇۋ تۇلەكتەرىنىڭ قۇزىرەتتىلىك مودەلىن ازىرلەۋ نەگىزىندە سۇرانىسقا يە ءبىلىم بەرۋ باعدارلامالارىن قۇرۋداعى جۇمىس قاي دەڭگەيدە؟ ونىڭ وڭ دامۋىنىڭ ودان ارعى بارىسىن نە انىقتايدى؟ قازىرگى ۋاقىتتا ءبىلىم بەرۋ, ءوندىرىس جانە بيزنەستىڭ ءوزارا ءىس-قيمىل پروتسەسى قانداي پروبلەمالارعا تاپ بولىپ وتىر؟ ەڭبەك نارىعىندا قازىرگى زامانعى تۇلەكتەر قانداي ەرەكشە اتريبۋتتارعا يە بولۋى ءتيىس؟ عىلىمي-ادىستەمەلىك كونفەرەنتسيا بارىسىندا قازىرگى ءبىلىم بەرۋ ءۇردىسىنىڭ وسى جانە باسقا دا وزەكتى ماسەلەلەرى تالقىعا ءتۇستى.

پەريزات ۇركىمباەۆا,

حيميا جانە حيميالىق تەحنولوگيا فاكۋلتەتىنىڭ دوتسەنتى