قازىر مەملەكەت باسشىسىنىڭ تاپسىرماسى بويىنشا وقيعا ورنىندا ۇكىمەتتىك كوميسسيا جۇمىس ىستەپ جاتىر. بۇل تۋرالى دەنساۋلىق ساقتاۋ مينيسترلىگىنىڭ ءباسپاسوز قىزمەتى حابارلادى.
جەدەل مەديتسينالىق كومەك كورسەتۋ ءۇشىن وقيعا ورنىنا شۇعىل تۇردە ماماندار توبى جانە شۇعىل مەديتسينالىق كومەك بريگادالارى جىبەرىلدى. 100-دەن استام مەديتسينا قىزمەتكەرى مەن 36 سانيتارلىق كولىك, ونىڭ ىشىندە 2 سانيتارلىق اۆياتسيا تىكۇشاعى تارتىلدى.
10 اقپانداعى مالىمەتكە سايكەس, جاپپاي جانجال سالدارىنان 178 ادام زارداپ شەكتى, 10 ادام قازا تاپتى (8 - وقيعا ورنىندا, اۋىر جاراقات العان 2 ادام اۋرۋحانادا).
مەديتسينالىق كومەككە 170 ادام جۇگىندى.ء وتىنىش بىلدىرگەندەردىڭ: 117-سىنە امبۋلاتورلىق كومەك – (102 - قر, 15 قىرعىز رەسپۋبليكاسىندا); 53 ادامعا ستاتسيونارلىق كومەك - (43 – قر, 10 – قىرعىز رەسپۋبليكاسىندا) كورسەتىلدى.
10.02.2020 جىلعى ساعات 12.00 جاعداي بويىنشا ستاتسيونارلىق ەمدەلۋدە 41 ناۋقاس: الماتى قالاسىنىڭ ستاتسيونارلارىندا – 25; جامبىل وبلىسىندا – 14; قىرعىز رەسپۋبليكاسىنىڭ ستاتسيونارلارىندا – 2. ونىڭ ىشىندە: رەانيماتسيادا 9 پاتسيەنت, بەيىندى بولىمشەلەردە ء–تۇرلى جاراقات العان 32 پاتسيەنت بار. 17 ناۋقاسقا وتا جاسالدى.
ايتا كەتۋ كەرەك, بۇگىن, ياعني, 10 اقپاندا قوردايداعى اۋداندىق ورتالىق اۋرۋحانادا 1 پاتسيەنتتى جانە قىرعىز رەسپۋبليكاسىنان 2 پاتسيەنتتى الماتى قالاسىندا تاسىمالداۋعا دايىندىق جۇرگىزىلۋدە.
پاتسيەنتتەرگە مەديتسينالىق كومەكتىڭ بارلىق ءتۇرى مەن كولەمى تمككك شەڭبەرىندە تەگىن كورسەتىلەتىنىن اتاپ ءوتۋ قاجەت.
قازىر ناۋقاستار مامانداردىڭ باقىلاۋىندا جانە قاجەتتى ەم الۋدا.