جۋىردا نۇر-سۇلتان قالاسىندا وتكەن «IESO-2020» حالىقارالىق وليمپياداسىنىڭ ىرىكتەۋ كەزەڭىندە قىزىلوردا قالاسىنداعى نازارباەۆ زياتكەرلىك مەكتەبىنىڭ 11-سىنىپ وقۋشىسى الىشەر التىنباسوۆ گەولوگيادان جوعارى ناتيجە كورسەتىپ, وليمپيادانىڭ ءىى ورىن يەگەرى اتاندى. ەندى ول جازعى دەمالىستا رەسەي فەدەراتسياسىنىڭ تۇمەن قالاسىندا وتەتىن ءبىلىم بايقاۋىندا ەل نامىسىن قورعايتىن بولادى.
ەل استاناسىندا وتكەن سايىستا الىشەرمەن بىرگە وسى مەكتەپتە وقيتىن گۇلدانا ءسابيتوۆا مەن نۇرداۋلەت قونىسباەۆ جەر تۋرالى عىلىم بويىنشا ۇزدىك بىلىمدەرىمەن ەرەكشەلەنىپ, ءىى جانە ءىىى ورىنداردان كورىندى.
– بارلىق تاپسىرمالار اعىلشىن تىلىندە بولدى. وليمپيادادا ءبىز نازارباەۆ ۋنيۆەرسيتەتىنىڭ عالىمدارىمەن كەزدەسىپ, كاسىبي باعدار الدىق. بولاشاقتا ءومىرىمدى گەولوگيامەن بايلانىستىرعىم كەلەدى, – دەيدى وليمپيادا جەڭىمپازى.
بايقاۋعا ەل وڭىرلەرىنەن 100-گە جۋىق وقۋشى جينالىپتى. ولار گەولوگيا, گەوفيزيكا, مەتەورولوگيا, مۇحيتتانۋ جانە استرونوميا پاندەرىنەن كۇردەلى تاپسىرمالار ورىندادى. ءبىرىنشى ورىنداردى يەلەنگەن دارىندىلاردان قازاقستان قۇراماسى جاساقتالىپ, حالىقارالىق سايىستا ەل نامىسىن قورعايتىن بولادى.
IESO – الەمدەگى ەڭ بەدەلدى وليمپيادانىڭ ءبىرى. وسىعان دەيىن كورەيا, يتاليا, يسپانيا, برازيليا, جاپونيا جانە فرانتسيادا وتكەن ءبىلىم سايىسى بيىل رەسەيدە ۇيىمداستىرىلادى.
قىزىلوردا