پرەمەر-ءمينيستردىڭ ورىنباسارى قورداي اۋدانىنداعى اۋىلداردا تۇنگى ۋاقىتتا قاۋىپسىزدىك پەن قۇقىقتىق ءتارتىپتىڭ قامتاماسىز ەتىلۋىن تەكسەردى دەپ حابارلايدى primeminister.kz.
سەنبى كۇنى تۇندە بەردىبەك ساپارباەۆ سورتوبە, ماسانچي, قاراكەمەر, قاراسۋ ەلدى مەكەندەرىن ارالاپ شىقتى. سونىمەن قاتار ۆيتسە-پرەمەر قاراسۋ جانە سورتوبە شەكارا پۋنكتتەرىنىڭ, ونىڭ ىشىندە سانتاريالىق-ەپيدەميولوگيالىق قىزمەتتەردىڭ جۇمىس بارىسىن تەكسەردى.
ب. ساپارباەۆ اۋدانداعى قاۋىپسىزدىكتى قامتاماسىز ەتەتىن قۇقىق قورعاۋ ورگاندارىنىڭ جەكە قۇرامىمەن سويلەستى. ەلدى مەكەندەردەگى جاعداي بىرقالىپتى. كۇندىز جەرگىلىكتى تۇرعىندارعا ەندى تارتىپسىزدىكتىڭ بولمايتىنى, جاعدايدىڭ باقىلاۋدا ەكەنى ايتىلعان بولاتىن. كوشەلەردە ادامدار مەن ماشينالار جوق, اۋىلداردىڭ اراسىندا دا ەش قوزعالىس بايقالمايدى.
نۇر-سۇلتان قالاسىنان بارعان ۇكىمەت كوميسسياسى جەرگىلىكتى جەردەگى جاعدايدى باقىلاۋ ءۇشىن قورداي اۋدانىندا قالادى.