«سامۇرىق-قازىنا» ۇاق» اق ديرەكتورلار كەڭەسىنىڭ توراعاسى بولىپ دجون دۋداس سايلاندى دەپ حابارلادى قوردىڭ ءباسپاسوز قىزمەتى.
دجون دۋداس 1959 جىلى 24 جەلتوقساندا تۋعان, ۇلىبريتانيا ازاماتى. ول Gencor Ltd جانە BHP Billiton سياقتى حالىقارالىق كومپانيالاردا باسشىلىق قىزمەتتەردى اتقاردى, وندا كومپانيا توبىنىڭ باس كوممەرتسيالىق ديرەكتورى جانە ماركەتينگ جونىندەگى ديرەكتورى, كورپوراتيۆتىك جوسپارلاۋ جونىندەگى ديرەكتورى جانە اليۋميني بولىمشەسىنىڭ باس ديرەكتورى بولعان.
2012 جىلدان باستاپ دجون دۋداس ءارتۇرلى كوپۇلتتى تاۋ-كەن جانە كاسىبي سەرۆيستىك كومپانيالاردا تاۋەلسىز ديرەكتور جانە كورپوراتيۆتىك كەڭەسشى بولىپ جۇمىس ىستەدى. «سامۇرىق-قازىنا» اق ديرەكتورلار كەڭەسىنە سايلانعانعا دەيىن د. دۋداس «قازاتومونەركاسىپ» ۇاك» اق تاۋەلسىز ديرەكتورى جانە ديرەكتورلار كەڭەسىنىڭ توراعاسى بولىپ جۇمىس ىستەدى, سونداي-اق, قازىر ول «قازاتومونەركاسىپ» ۇاك» اق ديرەكتورلار كەڭەسى جانىنداعى كوميتەتتەردىڭ مۇشەسى.