جەرلەس تاەكۆوندوشىلار جىلدى ءساتتى باستادى. وتكەن ايدىڭ وزىندە ولار ەكى بىردەي حالىقارالىق تۋرنيرگە قاتىسىپ, اۋىزىن ايعا بىلەگەن مىقتىلاردان باسىم ءتۇستى.
سونداي باسەكەلەردىڭ ءبىرى الماتى شاھارىندا وتكەن جاسوپىرىمدەر مەن كادەتتەر ارسىنداعى حالىقارالىق تۋرنير. ءوڭىر قورجىنى ادەتتەگىدەي مايلانىپ قايتى. اتاپ ايتساق, 1 التىن, 1 كۇمىس, 6 قولا مەدال.
ايتۋلى باسەكەگە ەلىمىزدىڭ بارلىق ايماقتارىنان جانە كورشىلەس قىرعىزستاننان 900-دەن استام تاەكۆوندوشى قاتىسىپتى. ال, جاسوپىرىمدەر اراسىندا 53 كەلى سالماقتا جەرلەسىمىز احات ورازحانعا تەڭ كەلەر تاەكۆاندوشى بولماعان. التىننان القا تاعىپ, وبلىس مەرەيىن كوتەردى. سپورت سالاسىنا بىلتىر عانا بەت بۇرعان احاتتىڭ بۇل ەكىنشى ءتۋرنيرى. وبلىستىق تۋرنيردە قولانى مىسە تۇتقان جاس ورەن حالىقارالىق تۋريردە باعى جانىپ قولانى التىنعا اۋىستىردى.
– «وسىنداي بيىك ناتيجەگە قول جەتكىزەم دەپ ويلاعان جوق ەدىم. ەڭ قيىن كەزدەسۋ فينال بولدى. الدا وسى قارقىننان تايماي, جۇلدەلى ورىنداردان كورىنۋ», – دەيدى تاەكۆوندودان حالىقارالىق ءتۋرنيردىڭ جەڭىمپازى احات ورازحان.
ەندى جەرگىلىكتى قۇراما مامىر ايىندا ەلوردا تورىندە وتەتىن ەل چەمپيوناتىنا دايىندىقتارىن باستاپ جاتىر. ول جارىستا دا جەرلەس تاەكۆوندوشىلار ءوڭىر نامىسىن ابىرويمەن قورعاپ, جەڭىس جالاۋىن جەلبىرەتىپ قايتارىنا سەنىم مول.
كوكشەتاۋ قالاسى.