ءوز زامانىندا ۇيىمداستىرۋشىلىق قابىلەتىنىڭ ارقاسىندا ەلدەن ەرەك ەڭبەك ەتكەن ەركiن اۋەلبەكوۆ بەلگiلi مەملەكەت جانە ساياسي قايراتكەرى ساناتىندا ەدى. وسى ەڭبەگىنە وراي كەڭەس زامانىنداعى ەڭ قۇرمەتتى اتاققا يە بولىپ, سوتسياليستiك ەڭبەك ەرi اتاندى.
ون جىلعا جۋىق كوكشەتاۋ وبلىستىق پارتيا كوميتەتىنىڭ ءبىرىنشى حاتشىسى قىزمەتىندە بولعان نار تۇلعانىڭ ومىردەن وتكەنىنە 21 جىل. تاياۋدا ەل ارداعى – ەركىندى ەسكە الۋ ماقساتىندا وبلىستىق تاريحي-مادەني مۇرانى قورعاۋ جانە پايدالانۋ ورتالىعىنىڭ ماماندارى كوكشەتاۋ قالالىق كىتاپحانا قىزمەتكەرلەرىمەن بىرىگىپ, كەزدەسۋ كەشىن ۇيىمداستىردى.
ەسكە الۋ كەشىندە ەركiن اۋەلبەكوۆتى كوزى كورگەن, قىزمەتتەس بولعان ارiپتەستەرi مەن جاس تولقىن جينالدى.
– «ول كىسى ەلىمىزدىڭ ءبىر تۋار ازاماتى, ۇلكەن تۇلعا. ەلىنە ادال قىزمەت ەتتى. ەر-اعاڭنىڭ ەرلىك ءىسى جاستار ءۇشىن جاقسى مىسال, ومىرشەڭ ونەگە. ەڭبەگى ەشقاشان ۇمىتىلماق ەمەس. بۇگىنگى كۇنى ءبىز وسىنداي ازاماتتىڭ اتى وشپەۋ ءۇشىن قىزمەت ەتۋىمىز كەرەك»,– دەدى كوكشەتاۋ قالاسىنىڭ قۇرمەتتى ازاماتى بولات ءجانادىلوۆ.
بيىل ەركىن نۇرجان ۇلى اۋەلبەكوۆتىڭ تۋعانىنا 90 جىل تولماق. مەرەيتوي قارساڭىندا ءوڭىردىڭ زيالى قاۋىم وكىلدەرىنىڭ قولداۋىمەن iرi ۇيىمداستىرۋشى, سوتسياليستiك ەڭبەك ەرiنە ارناپ ءومىربايانى مەن حالقىنا سىڭىرگەن قىزمەتىن قامتيتىن كىتاپ شىعارۋ جوسپارلانىپ وتىر.
كەشكە جينالعاندار تۇلعا تاعىلىمىن ءتۇيسىنىپ, اركىم دە حالقىنا ءدال وسىلاي قىزمەت ەتسە, بىرلىگىمىز نىعايىپ, تىرلىگىمىز جاقسارار ەدى دەپ توپشىلاپ قايتتى.
كوكشەتاۋ قالاسى