دزيۋدودان قىتايدىڭ ۇلتتىق قۇراماسى 8-9 اقپان ارالىعىندا فرانتسيا استاناسى – پاريجدە وتەتىن Grand Slam تۋرنيرىنە قاتىسۋدان باس تارتتى.
ونىڭ سەبەبى تۇسىنىكتى. بۇل كۇندەرى كوروناۆيرۋس دەرتىنىڭ ۋشىعىپ تۇرۋىنا بايلانىستى ءبىراز مەملەكەتپەن قىتايدىڭ شەكاراسى تارس جابىق. سول سەبەپتى دە اسپاناستى ەلىنە كىرىپ-شىعۋ قيىندادى.
وسىنى قاپەرگە العان ايتۋلى مەملەكەتتىڭ دزيۋدو فەدەراتسياسىنىڭ باسشىلارى جارىستى ۇيىمداستىرۋشىلارعا رەسمي حات جولداپ, پاريجدەگى دودادا باق سىناۋدان باس تارتاتىندارىن مالىمدەدى.
ءسوز ورايى كەلگەندە, بۇگىنگى تاڭدا قىتايدا كۇرەستىڭ بۇل ءتۇرى ءتاۋىر دامىپ كەلە جاتقانىن ايتا كەتەيىك. وسىدان ءتورت جىل بۇرىن ولار ريو-دە-جانەيرودا وتكەن وليمپيا ويىندارىندا قوس قولا مەدالدى يەلەنسە, الەم چەمپيوناتتارىندا دا ارا-تۇرا جۇلدە الىپ ءجۇر.