قىزىلوردا قالاسىنداعى نازارباەۆ زياتكەرلىك مەكتەبى ايماقتاعى 9 جەتەكشى مەكتەپپەن ىنتىماقتاستىق جونىندەگى مەموراندۋمعا وتىردى. ولار الدا ءوزارا تاجىريبە الماسىپ, ءبىلىم بەرۋ ۇدەرىسىنە يننوۆاتسيالاردى ەنگىزۋ جانە دامىتۋ باعىتىندا بىرلەسە جۇمىس ىستەيدى.
وڭىرىمىزدە العاش رەت قۇرىلعان مەكتەپتەر قوعامداستىعىنا وبلىستىق دارىندى بالالارعا ارنالعان ءبىلىم بەرۋ ۇيىمدارى, جەتەكشى مەكتەپتەر مەن «اۋىلدىق مەكتەپتەر» جوباسىنىڭ پيلوتتىق ءبىلىم وردالارى ەنىپ وتىر. جيىنعا قاتىسۋشىلار نزم جۇمىسىمەن تانىسىپ, نانوتەحنولوگيا كابينەتىندە ءورت ءسوندىرۋ, كريميناليستيكا, مەديتسينا سالالارىنا قاتىستى وقۋشىلار جاساعان جۇمىستاردى كوردى.
مەكتەپ باسشىلارى نازارباەۆ زياتكەرلىك مەكتەبىنىڭ جەتىستىكتەرى, كاسىبي باعدار بەرۋ جۇمىسىن ۇيىمداستىرۋ جۇيەسى, وقۋشىلارعا قولايلى جاعداي جاساۋ, سىرتقى جيىنتىق باعالاۋ ۇدەرىسى, ءبىلىم الۋشىلاردىڭ جوبالاۋ ءىس-ارەكەتىن ۇيىمداستىرۋ باعىتتارى مەن «Action Research» جانە «Lesson Study» زەرتتەۋ جۇمىستارى بويىنشا جان-جاقتى اقپارات الدى.
دوڭگەلەك ۇستەل باسىندا ءبىلىم سالاسىنىڭ ماماندارى مەكتەپ قوعامداستىعىنىڭ نەگىزگى جۇمىس باعىتتارىنا تالقىلاۋ جۇرگىزىپ, ءوزارا ىنتىماقتاستىق تۋرالى مەموراندۋمعا قول قويدى.
– ءبىز ءوزارا ۇزدىك تاجىريبەمىزدى تاراتامىز. وقۋ-تاربيەلىك, عىلىمي-شىعارماشىلىق, مادەني-سپورتتىق باعىتتاعى بىرلەسكەن جوبالاردىڭ مەكتەپتەردىڭ دامۋىنا ىقپالى مول بولادى, – دەدى قىزىلوردا قالاسىنداعى نازارباەۆ زياتكەرلىك مەكتەبىنىڭ ديرەكتورى باقىت جۇماتاي.