وبلىستىق كاسىپكەرلەر پالاتاسى وكىلدەرىنىڭ بايقوڭىر قالاسى مەن تورەتام كەنتىندە وتكەن ەسەپتى كەزدەسۋىندە سالاعا قاتىستى بىرقاتار ماسەلە ايتىلدى. بۇل تۋرالى كاسىپكەرلەر پالاتاسىنىڭ ءباسپاسوز قىزمەتى حابارلادى.
كەزدەسۋدە كاسىپكەرلەر پالاتاسى ديرەكتورىنىڭ ورىنباسارى سالاۆات قۇلماحان, كاسىپكەرلەردىڭ قۇقىعىن قورعاۋ كەڭەسىنىڭ توراعاسى بولات نۇرحوجاەۆ جانە پالاتانىڭ بايقوڭىر قالاسىنداعى فيليال ديرەكتورى المات وتەگەنوۆ اتقارىلعان جۇمىستار تۋرالى كاسىپ يەلەرىنە جان-جاقتى اقپارات بەرىپ ءوتتى.
كاسىپكەرلەر سالىق سالاسى بويىنشا زاڭناماداعى وزگەرىستەر, جەڭىلدىكتەر جونىندە سۇراپ, باقىلاۋ-كاسسالىق اپپاراتتارىنا قاتىستى ماسەلەنى ورتاعا سالدى. سونداي-اق جەڭىلدەتىلگەن نەسيە الۋ كەزىندەگى كەپىل م ۇلىك ماسەلەسىن, اينالىم قاراجاتىنا بەرىلەتىن كرەديتتەردە جەڭىلدىك جوقتىعىن, جەر تەلىمىن الۋعا قاتىستى جايتتى قوزعادى. جولاۋشى تاسىمالىمەن اينالىساتىندار اۆتوبەكەت پەن جول ءجۇرۋ بەلگىلەرىنىڭ پروبلەمالارىن كوتەردى.
وتكەن جىلى بايقوڭىر قالاسىندا «باستاۋ» جوباسى بويىنشا 148, «جاس كاسىپكەر» جوباسى بويىنشا 34 ادام بىلىكتىلىگىن جەتىلدىرىپ, ولاردىڭ ىشىندە 87 باستاۋلىق جانە 17 جاس كاسىپكەر 100-دەن 200-گە دەيىنگى ايلىقتىق ەسەپتىك كورسەتكىش كولەمىندە قايتارىمسىز قارجىعا يە بولدى.