مينۋس وتىز گرادۋس ايازدا نۇر-سۇلتان تۇرعىندارى قايىرىمدى شارالار لەبىمەن جىلىنۋدا. بۇگىن جاستار ەرىكتىلەر قالالىقتارعا ىستىق شاي تاراتۋدى ۇيىمداستىردى. بۇل تۋرالى نۇر-سۇلتان قالاسى اكىمدىگىنىڭ ءباسپاسوز قىزمەتى حابارلادى.
تۇرعىندارعا كوتەرىڭكى كوڭىل-كۇي سىيلاپ, ولاردى جىلىتۋ ءۇشىن ونداعان ەرىكتىلەر ەرەكشە اكتسياعا قاتىستى. ء«بىز بىرگەمىز» اكتسياسى اياسىندا جوعارى وقۋ ورىندارى مەن كوللەدج ستۋدەنتتەرى, ۇكىمەتتىك ەمەس جاستار ۇيىمدارىنىڭ وكىلدەرى اۆتوبۋس ايالدامالارىندا استانالىقتارعا ىستىق شايدى تەگىن تاراتتى.
ايتا كەتسەك, بۇل ەلوردالىق ەرىكتىلەر تاراپىنان ۇيىمداستىرىلعان العاشقى اكتسيا ەمەس. جىل باستالعالى بەلسەندى جاستار مۇقتاج جانداردىڭ ءۇيىن جيناپ, قار تازالادى, ازىق-ت ۇلىكپەن قامتاماسىز ەتتى. #Bizbirgemiz اكتسياسىنىڭ ماقساتى - جاقسى ىستەردى ناسيحاتتاۋ, جىلىلىقپەن ءبولىسۋ.
شاي تاراتۋ ادامدار كوپ جينالاتىن جەرلەردە, اتاپ ايتقاندا «شاپاعات» ءسۇ, «تۇلپار» ءسۇ ايالدامالارى اۋدانىندا ءوتتى.