مادەنيەت جانە سپورت مينيسترلىگىنىڭ كەڭەيتىلگەن القا ماجىلىسىندە ۇلتتىق وليمپيادا كوميتەتى سپورت ديرەكتسياسىنىڭ باسشىسى ەلسيار قاناعاتوۆ توكيو وليمپياداسى قارساڭىنداعى ۇوك-ءتىڭ اتقارىپ جاتقان جۇمىستارىمەن تانىستىردى. بۇل تۋرالى مادەنيەت جانە سپورت مينيسترلىگىنىڭ ءباسپاسوز قىزمەتى حابارلادى.
«بيىل توكيودا 24 شىلدە مەن 9 تامىز ارالىعىندا وتەتىن ءحححىى جازعى وليمپياداعا دايىندىق قىزۋ ءجۇرىپ جاتىر. وتكەن اپتادا عانا ۇلتتىق وليمپيادا كوميتەتىنىڭ توراعاسى تيمۋر ق ۇلىباەۆ جيىن وتكىزىپ, دايىندىق جۇمىستارىن پىسىقتاعان ەدى. 2019 جىلى قازاقستان سپورتشىلارى 28 الەم چەمپيوناتى, 19 ازيا چەمپيوناتىنا جانە 12 ىرىكتەۋ تۋرنيرىنە قاتىسىپ, 14 سپورت تۇرىنەن 27 جولداما جەڭىپ الدى.
وليمپياداعا جولداما ۇلەستىرىلەتىن باسەكەلەر 29 ماۋسىمعا دەيىن جالعاسادى. الداعى ۋاقىتتا سپورتشىلارىمىز وليمپيادالىق سپورت تۇرلەرىنەن ەكى الەم چەمپيوناتىنا, 22 الەم كۋبوگىنە, 30 گران-پري باسەكەسىنە قاتىسىپ, جولداما ءۇشىن تالاسادى. جاپونيا استاناسىندا وتەتىن 4 جىلدىقتىڭ باستى دوداسىنا 30-دان استام سپورت ءتۇرى بويىنشا 100-دەن استام اتلەت اپارۋدى جوسپارلاپ وتىرمىز. قازىر 2016 جىلى ريودا وتكەن وليمپيا ويىندارىمەن سالىستىرعاندا قازاقستان سپورتشىلارى ورتا ەسەپپەن ءبىر جارىم جاسقا جاسارعان» دەدى ەلسيار قاناعاتوۆ.