پرەزيدەنت قاسىم-جومارت توقاەۆ «قازاتومونەركاسىپ» ۇاك» اق باسقارما توراعاسى عالىمجان ءپىرماتوۆتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى.
كەزدەسۋ كەزىندە عالىمجان ءپىرماتوۆ مەملەكەت باسشىسىنا ۋران ءوندىرۋشى كومپانيانىڭ 2019 جىلعى جۇمىسىنىڭ نەگىزگى قورىتىندىلارى جانە ونى دامىتۋعا ارنالعان الداعى جوسپارلارى تۋرالى باياندادى.
«قازاتومونەركاسىپ» ۇاك» اكتسيونەرلىك قوعامىنىڭ باسقارما توراعاسى ۇجىمدىق باسقارۋ, ەڭبەكتى جانە قورشاعان ورتانى قورعاۋ ماسەلەلەرى كومپانيا جۇمىسىنىڭ باسىم باعىتى ەكەنىن اتاپ ءوتتى.
سونىمەن قاتار قاسىم-جومارت توقاەۆقا كومپانيا ءوزىنىڭ وندىرىستىك جانە قارجىلىق ماقساتتارىن تابىستى جۇزەگە اسىرۋىنىڭ ارقاسىندا الەمدە ۋران ساتۋ بويىنشا قاتارىنان ەكىنشى جىل كوشباسشىلىق ورنىن ساقتاپ قالعانى جايىندا مالىمەت بەرىلدى.