قازاقستاننىڭ سينگاپۋردەگى ەلشىلىگىنىڭ باستاماسىمەن ايگىلى ۆەب-سايتتىڭ پايدالانۋشىلارىن 29 تامىزدا ساعات 11.05 مينۋتتا يادرولىق سىناق قۇرباندارىن ەسكە الۋ ماقساتىندا «ءبىر مينۋت ۇنسىزدىككە» قوسىلۋعا شاقىراتىن «الەمدى قارۋسىزداندىرۋ جولىندا قول ۇستاس» (Arm-to-arm to disarm the world) اكتسياسى «Facebook» الەۋمەتتىك جەلىسىندە باستالدى, دەپ حابارلادى ءسىم-ءنىڭ ءباسپاسوز قىزمەتى.
اتالعان اكتسيا ۋاقىتى كەزدەيسوق ەمەس. قازاقستانداعى سەمەي پوليگونىنىڭ جابىلعان كۇنى 29 تامىز – قازاقستان رەسپۋبليكاسىنىڭ پرەزيدەنتى ن.نازارباەۆتىڭ جىگەرىنىڭ ارقاسىندا بۇۇ باس اسسامبلەياسى يادرولىق سىناقتارعا قارسى ءىس-قيمىلدىڭ حالىقارالىق كۇنى دەپ جاريالانعانى ءمالىم. ال اتالعان ۋاقىتتاعى ساعات جانە مينۋت ءتىلدەرى جەڭىس پەن بەيبىتشىلىك سيمۆولىن بەينەلەيتىن لاتىننىڭ «V» ءارپىن قۇرايدى.
ەلشىلىكتىڭ www.Facebook.com/KazakhstanEmbassy پاراقشاسى «اتوم» جوباسى جونىندە باياندايدى جانە اۋديتوريانى قالىس قالماي, اكتسيانى «Like» بەلگىسىن باسۋ ارقىلى قولداۋعا شاقىرادى.