بۇگىن ۇكىمەت وتىرىسىندا ۇلتتىق ەكونوميكا ءمينيسترى رۋسلان دالەنوۆ ساۋدا ساياساتى بويىنشا باعدارلاما ازىرلەنەتىنىن ايتتى.
«وتكىزۋ نارىقتارىنا قول جەتكىزۋدى قامتاماسىز ەتۋ جانە ەلەكتروندىق ساۋدانى دامىتۋ بويىنشا شارالار ىسكە اسىرىلاتىن بولادى», - دەدى مينيستر ءوز سوزىندە.
سونداي-اق ول الەۋمەتتىك ساياسات بويىنشا الەۋمەتتىك سالاداعى زاڭناماعا تۇگەندەۋ جۇرگىزىلەتىنىن ءسوز ەتتى. ءمينيستردىڭ مالىمەتىنە سۇيەنسەك, بيىلعى جىلدىڭ 1 شىلدەسىنە دەيىن ەلدىڭ زەينەتاقى جۇيەسىن جاڭعىرتۋ بويىنشا تاسىلدەر مەن شەشىمدەر ازىرلەنەتىن بولادى.