مەملەكەتتىك قىزمەت ىستەرى اگەنتتىگىنىڭ سولتۇستىك قازاقستان وبلىسى بويىنشا دەپارتامەنتى حالىققا كورسەتىلەتىن مەملەكەتتىكقىزمەتتەردى ساندىق تۇردە الۋدى ناسيحاتتاۋ بويىنشا اۋقىمدى جۇمىستار جۇرگىزۋدە. وقىتۋ-ءتۇسىندىرۋ سەمينارلارىمەن, اقپاراتتىق دارىستەرمەن وبلىستاعى بارلىق اۋىلدىق وكرۋگتەر, ەڭبەك ۇجىمدارىنىڭ قىزمەتكەرلەرى جانە بارلىق ستۋدەنتتەر مەن وقۋشىلار قامتىلدى. سونىڭ ىشىندە وبلىس اكىمدىگى مەن «ازاماتتارعا ارنالعان ۇكىمەت» مەملەكەتتىك كورپوراتسيانىڭ فيليالىمەن بىرلەسىپ ازىرلەنگەن «جەلىلىك كەستە» اياسىندا 825, وزىنە-ءوزى قىزمەت كورسەتۋ بۇرىشتارىندا 61 169 وقىتۋ جۇرگىزىلدى. شارالار بارىسىندا 78 مىڭنان استام مەملەكەتتىك قىزمەتتەردى ەلەكتروندى نىساندا الۋ داعدىلارىنا ۇيرەتەتىن, قىزمەت الۋشىلاردىڭ قۇقىقتارىن تۇسىندىرەتىن پاراقشالار مەن بروشيۋرالار تاراتىلدى.
وبلىستىق تەلەارنالاردا مەملەكەتتىك قىزمەت كورسەتەتىن مەكەمەلەر باسشىلارىنىڭ 29 سۇحباتى مەن بريفينگتەرى, بۇقارالىق اقپارات كۇرالدارىنىڭ بەتتەرىندە شامامەن ەكى ءجۇز جاريالانىم جارىق كوردى. سونىمەن قاتار ءوڭىردىڭ حالىق كوپ شوعىرلانعان كوشەلەرىندە, بارلىق اۋدانداردا اقپاراتتىق ساۋاتتىلىقتى ارتتىرۋعا باعىتتالعان 67 تاقىرىپتىق باننەرلەر ورناتىلعاندىعى وسى جۇمىستىڭ ناتيجەلى بولۋىنا ۇلەسىن قوستى.
مەملەكەتتىك اپپارات تۇرعىنداردىڭ قاجەتتىلىكتەرىنە ساي ءارى قولجەتىمدى بولۋى كەرەك. وسى ماقساتتى كوزدەپ ۇيىمداستىرىلعان جارمەڭكەلەر كوپشىلىك كوڭىلىنەن شىقتى دەۋگە بولادى. ولار – تۇرعىندارعا مەملەكەتتىك قىزمەت كورسەتۋ بويىنشا كەڭەس بەرۋ, قولجەتىمدىلىكتى دامىتۋ جانە «ەلەكتروندى ۇكىمەت» پورتالى ارقىلى كورسەتىلەتىن قىزمەتتەر تۋرالى اقپاراتتار بەردى. 2019 جىلى وسىنداي 82 جارمەڭكە ۇيىمداستىرىلىپ, التى مىڭنان استام وبلىس تۇرعىنى قامتىلدى.
ەلەكتروندى تۇردە كورسەتىلەتىن قىزمەتتەردىڭ ۇلەسىن ارتتىرۋدا ەلەكتروندى-تسيفرلىق قولقويۋدىڭ بولۋى جانە ونى قولدانا ءبىلۋدىڭ ماڭىزى زور. وسىعان وراي دەپارتامەنت ۇستىمىزدەگى جىلى «ەلەكتروندى-تسيفرلىق قول قويۋ – ءاربىر ادامعا» اكتسياسىن ىسكە قوستى. اتالمىش اكتسيا م.قوزىباەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىندە جانە وڭىرىمىزدەگى بارلىق كوللەدجدەردە ءوتىپ, قاجەتتى اقپاراتتار مەن ءبىلىم وردالارىنىڭ 10 مىڭعا جۋىق ستۋدەنتى مەن وقىتۋشىسى قامتىلدى.
مەكتەپ وقۋشىلارى ءۇشىن ەلەكتروندى قىزمەتتەردىڭ تيىمدىلىگىن ءتۇسىندىرۋ جانە ولاردى ءار ءتۇرلى تاسىلدەر ارقىلى الۋعا ۇيرەتۋگە باعىتتالعان وقىتۋلار جۇرگىزىلدى. پەتروپاۆل قالاسى مەن بارلىق اۋدانداردا وتكىزىلگەن وسىنداي 137 شاراعا شامامەن بەس مىڭ ءجاسوسپىرىم قاتىستىرىلدى. «Telegram bot», «E-gov mobile», «Digital agent» موبيلدىك قوسىمشالارى جاستار اراسىندا ەرەكشە قىزىعۋشىلىق تۋدىردى.
ايتا كەتەتىن بولساق, وبلىستاعى مەملەكەتتىك قىزمەتتەر كورسەتەتىن عيماراتتاردا, بارلىق مەكتەپتەر مەن كوللەدجدەردە, دەنساۋلىق ساقتاۋ مەكەمەلەرىندە 680 «وزىنە-ءوزى قىزمەت كورسەتۋ بۇرىشتارى» ورناتىلعان. وسى بۇرىشتارداعى ۇيرەتۋلەر پايدالى بولىپ, قىزمەت الۋشىلار جەكە ۋاقىتتارىن ۇنەمدەدى.
قوعاممەن ءوزارا بايلانىس ورناتۋدىڭ جوعارىدا كورسەتىلگەن ءادىس -تاسىلدەرىنىڭ تيىمدىلىگى تاجىريبە ارقىلى دالەلدەنىپ وتىر. سوندىقتان ەلەكتروندى قىزمەتتەردى تۇتىنۋشىلىردىڭ ۇلەسىن كوبەيتۋ, كورسەتىلەتىن قىزمەتتەردىڭ سانىن ارتتىرۋ باعىتتارىندا جۇمىستار جالعاسىن تابادى.
ينديرا باجەنوۆا,
مەملەكەتتىك قىزمەت ىستەرى اگەنتتىگى
سولتۇستىك قازاقستان وبلىسى
دەپارتامەنتىنىڭ باس مامانى