سىرتقى ىستەر ءمينيسترى مۇحتار تىلەۋبەردى «قازاقستان رەسپۋبليكاسى – ەۋروپالىق وداق» ىنتىماقتاستىق كەڭەسىنىڭ 17-ءشى وتىرىسىنا قاتىستى. بۇل تۋرالى سىرتقى ىستەر مينيسترلىگىنىڭ ءباسپاسوز قىزمەتى حابارلادى.
شارا بارىسىندا ەۋروپالىق كوميسسيانىڭ ۆيتسە-پرەزيدەنتى - ەو-نىڭ سىرتقى ىستەر جانە قاۋىپسىزدىك ماسەلەلەرى جونىندەگى جوعارعى وكىلى جوزەپ بوررەلل, سونداي-اق, ەۋروپالىق پارلامەنت دەپۋتاتتارى توبىمەن, ونىڭ ىشىندە قر-ەو دوستىق توبى جانە ورتالىق ازيا مەن موڭعوليا بويىنشا ەۋروپارلامەنت دەلەگاتسياسىنىڭ مۇشەلەرىمەن كەزدەستى.
ەۋروپالىق پارلامەنت دەپۋتاتتارى پرەزيدەنت قاسىم-جومارت توقاەۆتىڭ جاڭا دەموكراتيالىق رەفورمالارىنىڭ الەۋەتىن اتاپ ءوتتى. دەپۋتاتتار پرەزيدەنتتىڭ ەلدەگى ءولىم جازاسىن جويۋعا باعىتتالعان ازاماتتىق جانە ساياسي قۇقىقتار تۋرالى حالىقارالىق پاكتىنىڭ ەكىنشى فاكۋلتاتيۆتىك حاتتاماسىنا قوسىلۋ تۋرالى شەشىمىن, سونداي-اق, بەيبىت جينالىستار, جالا جابۋدى دەكريميناليزاتسيالاۋ, ساياسي پارتيالار قۇرۋ ءۇشىن شەگىن تومەندەتۋ جونىندەگى زاڭ جوبالارىن دايىنداۋ باستامالارىن قولدادى.