كاسىپقوي بوكستاعى ەڭ اتاقتى ءتورت ۇيىمنىڭ كوشىن باستاپ تۇرعان دۇنيەجۇزىلىك بوكس كەڭەسى (WBC) كەشە بوكسشىلاردىڭ جاڭارتىلعان رەيتينگىن جاريالادى.
قازاقستاندىق بوكسشىلار اراسىندا ەڭ ۇزدىك كورسەتكىش ورتا سالماقتاعى WBC Continental Americas بەلدىگىنە يە جانىبەك ءالىمحان ۇلىنا تيەسىلى. ول جاڭارعان رەيتينگتە ءۇش ساتى جوعارىلاپ, 10-ورىنعا تۇراقتادى. كەيىنگى ورىندارعا ءبىرىنشى جارتىلاي ورتا سالماقتاعى WBA Continental Americas چەمپيونى باتىر جۇكەمباەۆ – 12, جەڭىل سالماقتاعى WBC International تيتۋلىنىڭ يەگەرى ۆيكتور كوتوچيگوۆ – 13, ەكىنشى ورتا سالماقتاعى WBC International Silver چەمپيونى ءالي احمەدوۆ – 14, ورتا سالماقتاعى USNBC چەمپيونى مەيىرىم نۇرسۇلتانوۆ – 20 جانە WBC Asia بەلدىگىنىڭ يەگەرى ايدوس ەربوسىن ۇلى – 24 ورىنعا كوتەرىلدى. سونداي-اق ورتا سالماقتاعى قانات يسلام دا 24-ورىنعا تۇراقتاعان.