اشىق تەڭىزدە قىسقى جاعدايدا سۇڭگۋ دايىندىعى بويىنشا ساباقتار قازاقستان رەسپۋبليكاسى اسكەري-تەڭىز كۇشتەرىنىڭ جاۋىنگەرلىك دايارلىق جوسپارىنا سايكەس قازاقستاننىڭ باتىسىندا وتۋدە. بۇل تۋرالى قورعانىس مينيسترلىگىنىڭ ءباسپاسوز قىزمەتى حابارلادى.
سۇڭگۋىر ءىسى جونىندەگى نۇسقاۋشىلاردىڭ باسشىلىعىمەن ءبىلىم الۋشى جەكە قۇرام تەوريانى زەردەلەپ, تومەن تەمپەراتۋرا كەزىندە سۇڭگۋىرلەردىڭ ءىس-ارەكەتىنىڭ پراكتيكالىق داعدىلارىن پىسىقتايدى. ايتا كەتۋ كەرەك, كاسپي تەڭىزىندەگى قازىرگى سۋ تەمپەراتۋراسى تسەلسيا شكالاسى بويىنشا + 3 گرادۋس.
سۋعا باتقان كەزدە قاۋىپسىزدىك شارالارىن ساقتاۋعا ەرەكشە كوڭىل بولىنەدى.
كەز كەلگەن اۋا رايىندا, كۇندىز جانە تۇندە دە, سۋىق سۋعا ءتۇسۋ بارلىق اسكەري سۇڭگۋىرلەر ءۇشىن مىندەتتى جاتتىعۋلاردىڭ ءبىر بولىگى عانا.