مەملەكەت باسشىسى قاسىم-جومارت توقاەۆ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى جولداۋىندا «حالىق ۇنىنە قۇلاق اساتىن مەملەكەت» تۇجىرىمداماسىن جۇزەگە اسىرۋدى تاپسىرعان بولاتىن. پرەزيدەنت سونىمەن قاتار «سىبايلاس جەمقورلىقپەن جان-جاقتى كۇرەسۋ ماسەلەسى كۇن تارتىبىنەن تۇسكەن جوق», دەگەن ەدى. وسى ماقساتتا جامبىل وبلىسىندا وتكەن جىلدىڭ جەلتوقسان ايىندا اعارتۋشىلىق شتاب قۇرىلىپ, كەزدەسۋلەر دە ۇيىمداستىرىلدى. اتالعان شتاب بۇگىنگى تاڭدا ءوز جۇمىسىن جالعاستىرۋدا.
شتاب باسشىسى قاسىمحان تولەنديەۆ بۇل جەمقورلىقپەن كۇرەسۋدىڭ ءتيىمدى تاسىلدەرىنىڭ ءبىرى ەكەنىن ايتادى. جالپى, شتابتىڭ ماقساتى دا ادامداردىڭ مورالدىق-ەتيكالىق تۇسىنىگىنە ىقپال ەتىپ, ادال ءارى اشىق قوعام قالىپتاستىرۋ. ەڭ باستىسى – حالىقتىڭ قۇقىقتىق ساۋاتتىلىعىن ارتتىرۋ.
بۇگىن تاراز قالاسىنداعى №2 مامانداندىرىلعان ءورت ءسوندىرۋ ءبولىمىنىڭ قىزمەتكەرلەرىمەن كەزدەسۋ ءوتتى. اتالعان كەزدەسۋگە قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگىنىڭ جامبىل وبلىسى بويىنشا دەپارتامەنتى باسشىسىنىڭ ءبىرىنشى ورىنباسارى راۆيل تولەباەۆ قاتىسىپ, ادالدىق, پاراساتتىلىق قاعيداتتارىن باسشىلىققا الا وتىرىپ جۇمىس ىستەۋدىڭ ماڭىزدىلىعىنا توقتالدى.
«كوپتەگەن ادامدار ءوزىنىڭ قۇقىعىن بىلمەۋدىڭ كەسىرىنەن, سول زاڭدى بۇزۋعا دەيىن بارىپ جاتادى. پارانى العان ادام دا, بەرگەن ادام دا تەڭ دارەجەدە جاۋاپ بەرەتىندىگىن بىلەسىزدەر. وسىنى ءبىز حالىققا جەتكىزۋىمىز كەرەك. سوندىقتان ارنايى شتاب قۇرىلدى. توراعانىڭ تاپسىرماسىمەن تەك وبلىس ورتالىعى عانا ەمەس, شالعاي جاتقان ەلدىمەكەندەر دە تۇگەل قامتىلاتىن بولادى», دەدى راۆيل تولەباەۆ.
جامبىل وبلىسى